C Na de wijse: Te Nieupoort woont een vrouken fijn. HOort alle menschen cleyn en groot Wilt v toch laten leeren Al metter rechter waerheyt bloot Geschoncken van Godt den Heere, Ja Heere. Wilt nu des Heeren woort ontfaen Ghy Mannen ende Vrouwen En stelt v op de rechte baen Oft het sal v berouwen, Ja rouwen. O menschen menschen nemet waer De tijt die is voor handen Ghy hebt gheleeft so menich Jaer Ick vrees tot uwer schanden, Ja schanden. Joan. 8, 34 Ro. 6, 16. 2. pet. 2, 19 Weet ghy niet wien ghy ghehoorsaem zijt Diens knechten zijt ghy beseuen Maeckt v van uwen sonden quijt Wilt na de waerheyt leuen, Ja leuen. Keert v, keert v tis meer dan tijt Van uwe quade weghen En bidt den Heere ghebenedijt Hy sal ghenade gheuen, Ja gheuen.
Al werdy van de werelt benijt En oock van haer verknesen mat. 10, 24 Joan. 13, 16 ende 15, 20.De knecht en mach tot gheender tijt Bouen zijn meester niet wesen, Ja wesen. mat. 27, * De Heere heeft so veel gheleden Om ons te brenghen wt weene ioan. 17, 9 ende 20.Sijn Vader heeft hy so seer ghebeden Voor zijn ghemeynte reene, Ja reene. 1. Tessal. 5, 22. Keert v van allen valschen schijn 1. co. 3, 12En wilt op Christum bouwen Jer. 17, 5Vermaledijt so sullen sy zijn Al die op menschen betrouwen, Ja trouwen. De werelt die wert nu ouer al Gheleert na menschen gheboden Peynst om den tijt die comen sal 1. cor. 10, 7 ende 14.Wacht v vanden Afgoden, Ja Goden. Maer wilt den Heere ghehoorsaem zijn Volcht hem in alle weghen Joan. 14, 6Hy is de wech, de waerheyt fijn ioan. 10, 9De duere, en oock dat leuen, Ja leuen. esa. 55, 1. Wilt drincken zijnen claren wijn Om niet wilt hy hem gheuen Maer wacht v vander slanghen fenijn Want sy staet na v leuen, Ja leuen. Trect v wt deser werelt quaet Daer ghy langhe in hebt ghesteken. En wilt oock doen na Christus raet Schout al des Duyuels treken, Ja treken. esa. 51, 12 Jere. 1, 8. mat. 10, 28 Luc. 12, 4 Vreest niet de menschen, quaet van getier Noch van al haren ghequelle Maer vreest die lijf en siele schier Mach werpen in de Helle, Ja Helle. esa. 51, 6. mat. 24, 35 2. pet. 3, 10 Heb. 1, 11. Hemel en Aerde sullen vergaen psa. 33, 4 ende 119, 89. Esa. 40, 8 1. Pet. 1, 25Maer tsHeeren woort sal eeuwich blijuen Al die daer vroom op blijuen staen Sullen met Godt beclijuen, Ja clijuen. Laet varen de Hoer van Babel Met al haer valsche Propheten Wiese aenhangt blijft int ghequel
Hoe hooch sy zijn gheseten, Ja seten. mt. 7, 15. Die tot v comen in schaeps ghelaet Wilt van sodanighen vluchten Want binnen zijnse woluen quaet Men kentse wel aen haer vruchten, Ja vruchten. eccle. 12, 11 Apo. 14, 7 Vreest Godt, vreest Godt, en hebt hem lief Vwen hooghen moet wilt laten sincken mt. 14, 43 1. Tes. 5, 2. 2. pet. 3, 10 Apo. 3, 3.Want hy sal comen als een dief Als ghyer niet op en sult dincken, Ja dincken. psa. 24, 13 1. pet. 2, 10 Wildy de goede daghen sien Hier na eeuwelijck leuen Van quaet te spreken wilt v vermien Wilt alle duecht aencleuen, Ja cleuen. Ick bid v Heer voor de schapen al Die daer onwetens dwalen Steltse op 4. esd. 7, 7 mat. 7, 13. Luc. 13, 22 den wech die daer is seer smal Wie daer op blijft, en mach nz falen, Ja falen. Orlof hier me, neemt dit Liet in danck Ick schenckt v al ghemeyne Diet heeft ghestelt, hy is seer cranck Van duechden is hy cleyne, Ja cleyne.
Cookies on Poetry Cove