C Na de wijse: Rijck Godt wie sal ick claghen. O Broeders wilt v verblijden Int leuende woort Godts plaisant En wilt als nu ten tijden Daer na leuen aen elcken cant Want hy ons heeft gheboden Te houden minst ende meest
Exo. 20, 5Te dienen gheen vreemde Afgoden Maer te leuen na der Schriftueren keest. Christus ginck zijn Jonghers ghewaghen In zijn Auontmael seer plat Joan. 13, 34Wilt liefde tot malcanderen draghen Ghelijck ick v liefhebbe ghehadt En wilt malcanderen beminnen En gaet in ionsten voort Daer aen salmen v kinnen Dat ghy leeft al na Godts woort. Wilt met wercken de liefde bethoonen Tob. 4, 5. ende 14, 12.Gheeft aelmoessen groot en cleyn Want sy sullen v hier na verschoonen Al voor Godts aenschijn reyn Want Jacob laet ons weten Jaco. 2, 26Dat tghelooue sonder dwerck en is niet En Paulus in zijn secreten 1. cor. 13, *Prijset dwerck der liefden siet. mat. 8, 5. Luce. 7, 2. Aenmerckt Centurio waerachtich En het mt. 15, 22 Cananeetsche Vrouken daer by Den blinden Tob. 2, 8 Tobias eendrachtich En Gen. 7, * Noe metter Arcken vry En Ge. 19, * Loth oock niet versweghen Des Heeren dienaer excellent Sy hebben alle ghenade vercreghen En dat door haer Ghelooue present. Dan. 6, 22 Hist. vanden Draec. 9. Wilt met Daniel vast betrouwen Op dat ghy niet en wort verdaen Van die Leeuwen in tswerelts aenschouwen Ende wilt op Christum staen Want hy heeft v bewesen Met Schriftuere also groot mat. 27, 49 mar. 15, 37Dat hy aenden cruyce ghepresen Voor ons is ghestoruen den doot. Wilt v tot penitentie gheuen Jone. 3, 4Door die bootschap van Jonas goet Op dat ghy hier na moecht leuen Met de lieden van Niniuen vroet Want Godt die is ghenadich
In allen zijn wercken bloot Leeft wel ende ghestadich Vermeerdert Godts lof minioot.
Cookies on Poetry Cove