C Na de wijse: Ontwaect wten slaep wie dat ghy zijt. GHy Broeders en Susters weest verblijt Mat. 5, 10 Luc. 6, 22. 1. pet. 4, 14Als ghy veruolginghe lijt Om Christus Naem ghebenedijt Want dat Rijcke Gods sal v erue wesen Vermaect v met Gods Gheest altijt Want ghy toch salich zijt Als ghy om twoort Gods wort benijt So wy Mattheus int vijfde lesen Paulus seyt voorwaer Twee Timothei, int derde claer 2. Ti. 3, 12Al die Godsalich willen leuen Moeten veruolcht worden en verdreuen.
mat. 10, 21 ende 24, 9. Niet dan tribulatie, voort Heeft hier de Christen nacie, hoort Als Mattheus oorboort Tstaet int vierentwintichste gheschreuen Met groot discoort, om Gods woort psa. 44, 23. 4. Esd. 15, 10. Joan. 16, 2. Ro. 8, 36.Suldy worden vermoort Van alle menschen verstoort Alleen om Christus Naem verheuen Lucas int neghende staet mt. 16, 25 mar. 8, 35. Luc. 9, 24So wie zijn leuen laet Om Christus Naem, die salt behouwen Dus en laet ons van Gods woort niet verflouwen. esa. 59, 15De waerheyt wort versmaet Ja leyt gheuallen op der straet De claerheit machmen niet int voorschijn lesen De waerheyt wort gheuanghen, verstaet En al die vanden quaden afgaet Ende de boosheyt verlaet Die moet hier alle mans roof wesen Als Christus spreeckt soet Wort ghy ghehaet metter spoet Joan. 15, 18Weet dat sy my oock haetten en verdreuen Joannis int vijfthiende vint ghijt geschreuen. Eylaes het waer my groot verdriet Seyt Paulus te Gal. 6, 16. beroemen yet Dan int cruyce des Heeren, siet Het staet Galaten int seste ghepresen Oock Christus tHooft selfs niet Als Lucas (hoort mijn liet) Int vierentwintichste bediet luc. 24, 25Dan door lijden gegaen is in tshemels wesen Aldus moeten nu na gaen Sijn Leden, wilt dit verstaen Want Christus ghetuycht door zijn leere mt. 10, 14 Joan. 15, 20Dat de knecht nz meerder en is dan zijn heere. Troost v met Godt, en dit versint iob. 5, 17 Pro. 3, 11. Apo. 3, 19Dat hy castijt die hy bemint Ja gheesselt zijn Soon ofte kint
Eer dat hy hem wilt ontfanghen Heb. 12, 6Als v de castijdinghe coemt ontrint So weet dat ghy zijn Sone bint Totten Hebreen ist gheprint Int twelfste, hoort doch na mijn sanghen Elcken sone de Vader castijt Wie nu gheen castijdinghe en lijt Die sy alle deelachtich waren Dat en zijn geen rechte sonen, maer bastaren. Maer laet ons lijden om twoort Gods hier Want om Gods wille ist beter manier 1. pet. 3, 17Dan om het quaet te lijden fier Alsser staet een Petri int derde Want Godt ondersoeckt ons altijts schier Met druck, veruolginghe oft vier Aenhoort doch dit bestier Oft wy oock in hem sullen volherden mat. 10, 22 ende 24, 13. mar. 13, 12Die nu volstandich blijft fijn Die sal dan salich zijn Mattheus vierentwintich doetet verclaren Dus laet ons hier om strijden allegare. Al worden wy veruolghet swaer 2. Cor. 4, 9Wy lijden al, tis openbaer Men lastert ons hier en daer Maer wy bidden alsser staet Corinthen vier Tcruys dunckt die verloren worden claer Een sotheyt, alst oock blijckt voorwaer Maer tis de Christen schaer 1. cor. 1, 22.Oft die salich worden een cracht Gods hier Alsmen vint gheschreuen staen Corinthen int eerste saen Actum veerthienste dat doet ons blijcken Act. 14, 22Dat wy door veel verdriets moeten gaen in Gods Rijcke. mat. 11, 12. Dat Rijcke der Hemelen lijt ghewelt Wie daer ghewelt om stelt Die crijghet onuermelt Mattheus int elfste daer moechdijt vinden Wie tcruys des Heeren tonderuelt
Oft daer niet van en helt Die wort voor Godt als niet ghetelt Als Mattheus ons int thiende gaet ontbinden mat. 10, 37 Luc. 14, 26Wie om twoort Gods niet en haet Sijn goet en leuen niet en versmaet Die en mach niet wesen Gods kint Lucas int veerthienste dat ghijt claer vint. Al is de werelt nu so bly Laet ons met Godt onsen Prince vry Lijden een weynich ghestry Hier na sullen wy verblijden met den Heer Joan. 16, 21Een vrouwe in deser tijt sien wy Heeft groote smerten, pijne en ghely Eer dat sy baert, hoort my Maer als sy ghebaert heeft en gedenckt sy de pijne niet meer So salt met ons oock zijn Joannes sesthien statet fijn Romeynen int achtste staet sonder swijcken Ro. 8, 18. 1. co. 4, 17 1. Joan. 3, 2Dat ons lijden by Gods glorie niet en is te ghelijcken.
Cookies on Poetry Cove