C Na de wijse: Het Sweert is wter scheyden. Ro. 13, 11. eph. 5, 14.ONtwaeckt, springt wten slape Al die in sonden ligghen versmoort En doet aen der Christen wapen Op dat ghy Godts gramschap ghestoort Moecht ontvlien, en ontfangen confoort En dat eeuwich Rijck ghepresen Apo. 2, 10Die ghetrou sal wesen totter doot Diens sal de croone wesen. Esa. 55, 7 Ese. 18, 27 ende 33, 11. Tob. 13, 8 Jaco. 4, 8 Hierom sondaers wilt afkeeren Van uwe boose weghen quaet Ende soecken Godt den Heere So suldy zijn versaet Hy sal wesen v toeuerlaet En v lijden al ghenesen Apo. 2, 10Die ghetrou sal wesen totter doot Diens sal de croone wesen. mat. 16, 24 mar. 8, 34 Luc. 9, 23. Laet ons den Heere gaen volghen Want hy is ons voorghegaen Al is Sathan op ons verbolghen Als wy vast op Christum staen Ende hem oock niet af en gaen So doruen wy niemant vresen Apo. 2, 10Die ghetrou sal wesen totter doot Diens sal de croone wesen. psa. 125, 1. pro. 10, 30 Die op den Heere betrouwen Die sullen vast blijuen staen
En van zijn woort niet verflouwen Door lijden en door versmaen Want sy de cracht van hem ontfaen En zijn licht is in haer gheresen Apo. 2. 10/Die ghetrou sal wesen totter doot Diens sal de croone wesen. Psa. 19, 11 ende 119, 103 Esec. 2, 13. Hoe soet is (O Heere) v woort Die oprecht van herten zijn Meer dan honich gheuet confoort De sielen der armen dijn Psa. 51, 20Doet Syon wel op dit termijn Wilt haer van sonden ghenesen Apo. 2, 10.Die ghetrou sal wesen totter doot Diens sal de croone wesen. Psal. 2, 12. ende 40, 5. Jere. 17, 7 Wel de ghene die setten Haer hope al op den Heer En haer niet en besmetten Met eenighe valsche leer Maer gheuen alleen lof en eer Godt den Heere ghepresen Apo. 2, 10.Die ghetrou sal wesen totter doot Diens sal de croone wesen. .eccli. 35, 10 Tis een salighe Offerhande Gods Gheboden te mercken aen Esa. 52, 11. 2. cor. 6, 17 apo. 18, 4.En wech te gaen van alderhande Ongherechticheden saen Dat sal den Heer seer wel aenstaen Dat wy tquaet laten in desen Apo. 2, 10Die ghetrou sal wesen totter doot Diens sal de croone wesen. O Princelijcke Vader O 1. tim. 6, 15 apo. 17, 14 ende 19, 16. Heere der Heeren groot Luc. 17, 5Sterct ons Gheloof allegader Die v van herten soecken bloot De werelt doet ons menigen noot Om dat wy v woort volgen en lesen Apo. 2, 10.Die ghetrou sal wesen totter doot Diens sal de croone wesen.
Cookies on Poetry Cove