C Na de wijse: Ick was een clercxken, ick lach ter scholen. Luc. 1, 12.GAbriel was van Godt ghesonden In eene stadt van Galileen Nazareth geheeten, na Lucas vermonden Tot een suyuer maghet reen. Mat. 1, 18 Die ondertrouwet was een man ydoone Den welcken diemen Joseph hiet Van Dauids huyse, en de maghet schoone Hiet Maria, vaet dit bediet. Den Enghel quam tot haer met vrede Luc. 1, 24En sprack: Weest ghegroet, vol gracy soet De Heer is met v, ghebenedijt mede Sijt ghy onder alle vrouwen soet. Luc. 1, 25. Als Maria den Enghel aenschoude Verschrictese haer, in zijn reden fijn Maer op den Heere sy vroom betroude
En dachte, wat een groete mach dit zijn. Luc. 1, 26. De Enghel sprac, en wilt v niet veruaren Ghy hebt ghenade vonden by Godt Luc. 1, 27.Ghy sult ontfanghen ende vrolijck baren Eenen Sone in u maechdelijck slot. Jesus sult ghy heeten zijnen Name Hy sal wesen van machte groot Luc. 1, 28.Des alderhoochstens Sone bequame Wert hy gheheeten, zijt des wel vroet. Godt de Heere, die sal hem gheuen Dauids zijns Vaders stoel excellent Luc. 1, 29.En hy sal ouer Jacobs huys verheuen Regneren met een Rijcke sonder ent. Luc. 1, 30. Maria sprack, hoe mach dit wesen? Want ick en bekenne gheenen man Luc. 1, 31.De Enghel antwoorde na desen De heylighe Gheest sal v comen an. De cracht des hoochsten sal oock te voren Omschaduwen v, alsoot betaemt Daerom het heylich, dwelck wort gheboren Sal worden Godes Sone ghenaemt. Luc. 1, 32. Onuruchtbaer was Elisabeth v nichte En sy heeft ontfanghen een knapelijck kint In haer ouderdom, het is Godt al lichte Om doen, dies hy hem onderwint. Maria liet haer vanden Enghel leeren En sy gheloofde met een verblien Luc. 1, 33.En sprac, hier is de dienstmaecht des Heeren Na uwe woorden moet my gheschien.
Cookies on Poetry Cove