C Na de wijse: Adieu schoon Janneken. HOort al te gaer // int openbaer Na Christus woort, en volcht hem naer Elck dat bewaer // gheseyt int claer Strijt vromelijck al sonder vaer Want Christus spreeckt int openbaer Joan. 10, 9.Ick ben de duere die open staet By mijnen Vaer // een Middelaer 1. Joan. 2, 1.Coemt al tot desen Aduocaet. mt. 11, 28 Sydy beladen // wilt v beraden Met Christo, want hy is goedertier Hy sal v versaden // en niet versmaden Als ghy begheert van hem ghenade schier Ghelijck hy met bermherticheyt hier Luc. 23, 42Vergaf den moordenaer al zijn misdaet Hy staet elck in staden // vol ghenaden 1. Joan. 2, 1.Coemt al tot desen Aduocaet. luc. 7, 44. Magdalena vol rouwen // wilt dit onthouwen Ootmoedelijck is sy tot Christum ghegaen Met vast betrouwen // sonder verflouwen Sijn voeten wasschende met menighen traen Seer neerstich met haren hayr te dwaen Dies sy daer wiesch dat goddelijcke zaet Haer wert ontbonden // den last van sonden 1. Joan. 2, 1.Coemt al tot desen Aduocaet. Geen ander afgoden // na menschen geboden mat. 15, 22 mar. 7, 25.En heeft dat vrouken van Cananeen begeert Maer is geuloden // tot den Coninc der Joden Volherdich voor Christum den Heere weert O Heere ghy weet wel wat my deert Mijn dochter is beseten vanden viant quaet
Hy was haer gedachtich // door tgelooue crachtich 1. Joan. 2, 2Coemt al tot desen Aduocaet. Wilt dit versinnen // die wil ghewinnen Godts eeuwich Rijcke seer excellent Wilt duecht beginnen // Christum beminnen Wt gantscher herten diligent Al en hebdy gout, noch gheen paeyment Coemt Esa. 55, 1.coopt om nz, spreect de Heere verstaet Gheen ander hoecken // en wilt versoecken 1. Joan. 2, 1.Coemt al tot desen Aduocaet. Elck wil ontknoopen // zijn sondige hoopen Voor Christum, hy sal v wel ontlaen Waer wildy loopen // oft elders coopen Als Christus v begheert te ontfaen Hy spreeckt mat. 11, 28 coemt alle die daer zijt belaen Mattheus int elfste dat gheschreuen staet Wilt van hem niet scheyden // Eph. 5, 6. 2. Tes. 2, 2. laet v niet verleyden 1. ioan. 2, 1Coemt al tot desen Aduocaet. ioan. 14, 6 Hy is de wech verheuen // waerheyt en leuen ioan. 10, 9.Hy is der schapen rechte duer Hy heeft zijn leuen // voor haer ghegheuen Ghegaen is hy, als een goet Herder vuer Col. 2, 14Hy heeft ghebroken den stercken muer Tusschen ons en den helschen viant quaet Dus alle ghemeene // groot ende cleene 1. Joan. 2, 1.Coemt al tot desen Aduocaet.
Cookies on Poetry Cove