C Na de wijse: In doots ghewelt lach ick gheuaen. EEn eewighe vruecht die niet en vergaet Coemt my altijts te vooren Dat is de Heere mijn toeuerlaet Die my zijn stem laet hooren Dan crijch ick sulck een vruecht Mijn hert dat is verhuecht Als hy my coemt beschouwen De Heer door zijnen Gheest Weert van my alle tempeest Op hem alleen staet mijn betrouwen. Noyt meerder vruecht in my en was Dan nu in desen tijden Mijn trueren vergaet my also ras Gods woort doet my verblijden Als ick denck om deeuwich goet Dan heb ick sulcken moet Dat ickt niet can vertellen Van vruechden en iolijt En vindick gheenen strijt Al ist dat sy my quellen. Te recht heeft wel de Heere gheseyt ioan. 14, 18Ick en sal v gheen weesen laten ioan. 14, 2Ick make voor haer de stede bereyt mt. 10, 32 mar. 8, 38. Luc. 12, 8.Die my hier niet en versaken Maer die my hier belijen Die sal ick tallen tijen Belijden allegader Voor mijn hemelsche Vaer Luc. 12, 32En vreest niet ghy cleyne schaer mt. 11, 28Ick ben alleen v Ontlader. Hoe soudich moghen zijn beswaert Als ick sulcken troost vinde Dat hy my als zijn Sach. 2, 8oochappel bewaert Segghende mijn beminde esa, 49, 15Mach een moeder haer eyghen kint
Verlaten, dit wel versint Al waert oock dat zijt dede So en sal ick v nimmermeer Verlaten, doet na mijn leer Maer brenghen in ts Hemels stede. Alsulcken troost heb ick ontfaen Gheen vreese coemt my ane Dat heeft de Heere Godt ghedaen Met zijnen soeten vermane Nu en vreese ick sweert noch gloet Daer af danck ick den Heere soet Dat hy my so coemt stercken Die op den Heere betrout Tis wonder wat hy aenschout Als Godt in hem coemt wercken. 1. Cor. 2, 7 Maer twerck Gods en wort niet ghesien Met vleesschelijcken ooghen Het moet al inden gheest gheschien Anders en macht niet dooghen Wie daerom doet eenich vlijt Het is al verloren tijt Sy moeten mat. 18, 3. Joan. 3, 3. eerst herboren wesen Wt Water, Gheest en vier Al na Christus manier rom. 6, 4. Eph. 4, 23 Col. 3, 10.In een nieu leuen verresen. Gheen menschen en moghen dit beuroen Sy moeten haer eerst bekeeren Ende haer deu. 12, 8 goetduncken van haer doen En volghen het woort des Heeren So Christus spreeckt voorwaer mat. 10, 38 ende 16, 24. mar. 8, 34 Luc. 14, 27 Joan. 12, 16Wilt my yemant volghen naer Die moet hem eerst versaken En draghen zijn cruyce vry Wt liefden volghe my ioan. 8, 32.De waerheyt sal hy smaken. Lof, prijs en eere sy Godt vermaert Die my zijn waerheyt schoone Wt groote liefden heeft verclaert Van zijnen hooghen Throone
Het is eenen milden Weert Mat. 6, 6. ende 7, 7.Hy gheeft elck wat hy begheert ioan. 4, 23Die in den gheest en waerheyt beden mt. 10, 19 Luc. 12, 12. ende 21, 14.Die gheeft hy sulcken mont Die noyt mensch en wederstont Door zijn ghenadicheden. Dus bidde ick alle vrome lien Die daer de duecht hantieren En wilt niet op de groote hoopen sien Met al haer quade manieren Want in Esdre vintmen staen 4. esd. 9, 15Datter veel meer sal vergaen Dan daer behouden sal wesen Ghelijck de groote vloet Meerder is dan een druppel soet Dit is Godts woort hooghe ghepresen. Als ick voor Vorsten was gheleyt Met eenen blijden moede Den Heere duer zijn ghenadicheyt Om my te helpen hy spoede Doen heb ick mijn hooft ontdect En vraechde met woorden perfect Mijn Heeren wat is v begheeren Dat ghy my dus hebt gheuaen Ick en heb v niet misdaen Oft betooghet my, ick salt beweeren. Sijt ghy gedoopt vraechde een Raetsheer Waer op dat ick antwoorde Ick ben ghedoopt na Christus leer Also my dat behoorde Doen vraechden sy na t Sacrament Oft Godt niet en was present Ick seyde mat. 16, 19 luc. 24, 50 Acto. 1, 9. hy is opgheresen Hy sidt ter rechter hant Van zijnen Vader triumphant Daer ick hope te wesen. Doen vraechden sy my al na de kerck Seer stranghe sy my aenschouden Ick seyde mat. 15, 9. ten is niet des Heeren werck
Al dat sy onderhouden Maer teghen de waerheyt reen Dat bewees ick haer ghemeen Die daer by my saten int ronde Ick vraechde Gods kinderen fijn Moeten sy niet gheestelijck zijn? Sy seyden Ja, met haren monde. Hoe coemt dan dat sy gheestelijck heet Ende dander wereltlijcke scharen Doen bewees ick haer met woorden breet Dat sy al Secten waren Want Christus spreect selue siet Joan. 17, 9.Voor de Werelt en bidde ick niet Maer voor haer, die ghy my hebt gegeuen Joan. 17, 16Want sy oock niet en zijn Van de Werelt, so ick en bin 2. tim. 3, 12Daeromme worden sy verdreuen. Doen vraechdit mijn heeren, wat segt ghy nu Condt ghy my anders betooghen So wil ick van stonden aen volgen v Nae mijn beste vermogen Doen seyden sy metter spoet mat. 26, 25 mar. 14, 22 Luc. 22, 19 1. cor. 11, 22Als de Heere brack dat broot soet Ende seyde: Neemt, eet dits mijn lichame Dat voor v wort gegeuen saen Hoe wilt ghy dit verstaen? Wast dan niet Godt selue bequame? Doen vraechdick oock met woorden ras Dat broot daer wy af spreken fijn Oft dat Christus lichaem was Dat voor ons soude ghebroken zijn mat. 27, 34Dwelck daer aenden Cruyce hinck Ende so veel lijdens ontfinck Bewijst my dat, ick salt gheloouen En segt dat nemmermeer Oft ghy doet Christus oneer En tvolck doet ghy verdoemen. mt. 16, 25 mat. 14, 18 Luc. 22, 19 1. cor. 11, 22 Sijn Auontmael, wilt dit aensien En heeft hy niet ghehouwen
Met Dieuen, Moorders oft sulcke lien Oft dronckaerts, oft schenders der vrouwen Oft gierighe, oncuys, vol haet Vol wreetheyt opstinaet Van sulcke daer staet gheschreuen 1. cor. 6, 10 Gal. 5, 21. Ephe. 5, 5 apo. 21, 27Dat sy alle ghelijck Deruen sullen Gods Rijck Ten sy dat sy beteren haer leuen. Al was Judas oock mede int ghetal Sijn werck dat was verborghen Maer Christus die wist te voren wel al Dat hy hem soude verworghen Dus en mach niemant dan Segghen, tsy wijf oft man Datter yemant was inne Die anders hadde ghedaen Dan na Christus vermaen Sy waren gheestelijck van sinne. Doen vraechden sy oft Christus Joan. 1, 36. dat Lam Van Adam niet vleesch en ware Ick seyde Joan. 3, 31 Eph. 4, 9 dat hy van bouen quam Van zijnen Hemelschen Ware So Christus spreeckt met woorden bloot Joan. 6, 51.Ick ben tleuende Hemels broot Die van bouen ben beseuen Dat broot, hoort dit gheschal Dat ick v gheuen sal Dat is mijn vleesch voor des werelts leuen. Voort seydic mijn heeren, zijt des wel vroet Wat Paulus doet verweruen Dat den aertschen Adam 1. ro, 15, 50 noch vlees en bloet Gods Rijcke niet en sal eruen Waer Christus van Adams natuer So en waer hy niet reyn en puer Hy soude oock aerde zijn gheworden So Godt selue seyt claer eccli. 17, 8.Ghy zijt aerde en sult hier naer In aerde verkeert worden. Doen vraechden sy my op dat selue pas
Is Godt alsulcx niet machtich Dat hy dat vleesch seer broos als glas Hem ghelijck maeckt so crachtich Ick seyde mijn heeren hoort Hy en vermach niet teghen zijn woort Verstaet dit allegare Godt spreeckt mijn woort bekant mat. 24, 35Sal eeuwelijck houden stant Anders waer hy een lueghenare. Doen seydick, mijn heeren, ick arme gast Wat weet ghy van my te segghen Heb ick ghedaen yemant ouerlast Wat wilt ghy my op leggen? Isser yemant die van my claecht? So bid ick dat ghijt ghewaecht Ick wilse contenteren Segt doch mijn heeren vry Waeromm so coemt ghy my Sonder misdaet dan persequeren? Wy en vanghen v niet om v misdaet Maer om de arme sielen Die ghy verkeert met uwen boosen raet Ghy soutse wel al vernielen Waert datmen v liet betien Maer het is beter neen Waert datmen v leeringhe ware Van Godt, goet en oprecht So ghy beroemt en secht Ghy sout wel leeren int openbare. De Heere die spreeckt met woorden vroom Also daer staet gheschreuen Hy seyt: Mat. 7, 6 Ghy en sult dat Heylichdom Al voor de honden niet gheuen Noch de Peerlen, vaet dit bediet Voor de verckens werpen niet Dat sy niet tot eeniger vren Tuwaert en keeren vry Ende verschueren dy Daeromme so en macht niet ghebueren.
Doen seyde ick tot de heeren blent Met lieffelijcken gheruchten Een mensche wort aen zijn werck bekent En den boom aen zijn vruchten Een goet mat. 7, 17. ende 12, 33. Luc. 6, 43 boom brengt vruchten goet Dwelck den quaden niet en doet Wat vruchten cont ghy aen ons aenschouwen Dan liefde, peys en vre En verduldicheyt in lijden me Tot inden doot sonder verflouwen. Doen seyde tot my een Pape expres Ick en ghelooue (wilt hooren) Niet so wel datter een Godt es Ick ghelooue al vooren Ist dat ghy in dit gheloof Blijft altijts euen doof Ick segt v sonder mijden Ghy zijt vermaledijt En sult den eeuwighen tijt Inder Hellen moeten lijden. Doen seyde ick tot hem met coelen bloe Hoe dorft ghy dit wtspreken Ro. 12, 19. heb. 10, 30.Het oordeel behoort den Heere toe Het quaet sal hy wel wreken Maer het is v manier Te maken sulck ghetier Ick segt v sonder veel te callen Dan. 8, 25 2. Tess. 2, 8 Apo. 18, 8Dat v gheheel ghebroet En d'Afgoderije diemer doet Gheheel noch al sal vallen. Hy seyde de Beelden en deeren niet Die daer staen aen allen hoecken Sy doen niemant lijden noch verdriet Het zijn der simpelen boecken Hy seyde, hoort oft ghy wilt Weer de letter oft dat bilt Ist niet ghelijck om leeren Sijnse niet beyde doot Daeromme so seg ick v bloot
Datmen met Beelden wel God mach eeren. Doen seyde ick, met woorden onbeureest Ro. 15, 4.Dat ons de heylighe Schriftuere Ghegheuen is vanden heylighen Gheest Tot oprechten labuere Maer Exo. 20, 3. Deu. 4, 16 beelden ende Afgoden Heeft God so sterck verboden Deuter. 27, 15. Sap. 14, 8Die beelden oft Afgoden maken Die zijn vermaledijt So Godt dat selue belijt De Helsche pijne sal hy smaken. Doen vraechden si my, na mijn Kercke ras En waer dat ickse hilde Ick seyde dattet een Kercke was Sterck van ghelooue en milde 1. cor. 12, 13Ghedoopet al te saem In eenen Gheest en een Lichaem Dat is de Bruyt, de Coninginne Apo. 12, 6De vrouwe diet manneken baert Door den Draeck stout, onuernaert Tot sulck een Kercke ben ick inne. Totten Ephesien vintmen claer Eph. 1, 13. ende 4, 16. ende 5, 23.Al van dees Kercke reene eph. 1, 22 Col. 1, 18.Dat Christus is het Hooft van haer Vleesch en been van zijnen beene Gal. 2, 21Dees Kerck en leeft niet meer Maer haer leuen is de Heer Ro. 6, 4 Gal. 5, 24Haer vleesch dat is ghestoruen apo. 21, 2Van bouen is sy ghedaelt So ons Joannes verhaelt Dees Kercke blijft onbedoruen. V Kercke alsmen daer wel op let Het mocht elck wel vernoyen Sy is tegen de waerheyt ingeset Maer God die salse wtstroyen Wantmen daer anders niet Den Afgoderije en siet Tis walchlijck voor sHeeren oogen Nochtans seyt elck ghemeen
Tis Gods Bruyt en anders gheen Och Godt hoe moecht ghijt ghedooghen. Dus bid ick v, siet elck wel toe En wilt v met Godt beraden Wacht v vanden onnooselen bloe Oft ghy mist Gods ghenaden De welcke hy rijckelijcken schenct Die hem altijts ghedenct Maer Sach. 2, 8die zijn wtuercoren Aentast ofte ghenaect Sijn oochappel hy gheraect Ende op hem valt Godes toren. Ick bid v Broeders en Susters ghemeen Wilt v met my verblijden Esa. 28, 16 mat. 16, 18 luc. 20, 17. 1. cor. 3, 11.Fondeert v op den verworpen Steen En vreest torment noch lijden Verhuecht door vrolijcheyt mat. 25, 1En maeckt v lampen bereyt De liefde en laet niet verflouwen Haest v gaet metter spoet Vwen Bruydegom te ghemoet Apo. 3, 20Hy wilt dat Auontmael met v houwen.
Cookies on Poetry Cove