C Na de wijse: O rat van auontueren. HOort na Paulus ghewaghen Hy doet ons een schoon vermaen 2. Tim. 3, 1Dat in de laetste daghen Seer sorghelijck sal gaen Periculoos so wert den tijt Dus mach elck wel neerstelijck toesien Dat hem Sathan niet en verbijt Door zijn subtijlheyt, en valsch bedien. 1. Ti. 4, 1. 2. Pet. 3, 3 Van dese laetste tijden Spreeckt opentlijck Gods Gheest Datter sullen af glijden Van tghelooue, minst en meest Aenhanghende de gheesten boos En de leeringhe des Duyuels stout Die door gheueynstheyt listich loos Lieghen sullen seer menichfout. 1. Ti. 4, 3. Oock sullen sy verbieden Te trouwen, vaet dit bediet En niet laten gheschieden Datmen nutten sal (sonder verdriet) Spijse, die Godt gheschapen heeft En door zijn gracie daer toebereyt Om nutten, die hy tghelooue gheeft Met bedinghe en met dancbaerheyt. 2. Tim. 3, 2 Daer sullender oock wesen Die veel van haer seluen hoen En gheerne zijn ghepresen Ghierich, stout, lasteraers coen Haer ouders onghehoorsaem me Hooueerdich ende oock schenders wreet Niet vriendelijck, maer vol onvre Oncuysch, verraders wijt ende breet. 2. Tim. 3, 3. Stuer, spijtich, opgheblasen
Wilt ongheestelijck, en ondanckbaer Niet saechtmoedich, die wel asen Haren buyck neerstich eenpaer Want sy beminnen meer dan Godt De wellusten, hebbende een schijn Van een Gods leuen, door vreemt rabot Maer zijn cracht sy versakende zijn. Ro. 15, 15. 2. Tim.3, 5 Wacht v van sulcke hoopen Doet Paulus voort ghewach Van dese zijnt die doorloopen Titu. 1, 11.De huysen nacht ende dach En leyden de vroukens gheuaen Die met veel sonden zijn beswaert En gheleyt worden qualijck beraen In veel begheerten blijuende veruaert. 2. tim. 3, 6. Altijts dees menschen leeren En sy en comen nemmermeer Tot de kennis ons Heeren Door dese valsche leer Maer ghelijck Exo. 7, 11. ende 22. Moysen wederstonden Jannes ende Jambres opstinaet So wederstaen met loose vonden Gods waerheyt, dese leeraers quaet. 2. tim. 7, 8 Van ghebroken sinnen Sijnt, menschen, dits openbaer Die henseluen beminnen Int ghelooue verworpen, maer Sy en sullent tot inden ent Niet connen houden en blijuen staen Haer dwaesheyt sal worden bekent En alle menschen sullense versmaen. Dit en zijn vry gheen cluchten Elck neme wel hier op merck mat. 7, 18. ende 12, 33.De boom wort aen zijn vruchten Bekent, en de mensch aen zijn werck Elcken boom brengt voort zijnen aert Alsmen zijn vrucht proeft, wort hy bekent Inden mat. 15, 14 gracht vallen sy ghepaert Als sy malcander leyen beyde blent.
Oorlof elck wil hem wachten Van alle Leeraers ghemeen Die met woorden en met crachten mat. 16, 18 Eph. 2, 19 1. pet. 2, 4.Verwerpen Christum den steen 1. co. 3, 10Waer op moet worden ghefondeert Want gheen leeringhe mach wesen goet Die met Gods woort niet accordeert Al is sy schoone, schijnbaer, en soet.
Cookies on Poetry Cove