C Na de wijse: Rijck Godt wie sal ick claghen. VErblijt v ghy creatueren Baret vruecht en iolijt Al siedy Godts woort nu slueren Door menighen ypocrijt mat. 9, 38. Luce. 10, 2Wilt den Heere des Oogsts vertellen Dat hy arbeyders fijn In zijnen Oogst wil stellen Oft anders salt al verloren zijn. Mat. 7, 15 Wacht v voor de valsche Propheten Die daer comen in Schaeps ghelaet mat. 23, 13Die der weduwen huysen op eten Door haren valschen raet Godt bekeer haer sinnen En gheef haer een ander confoort Dat sy haer boosheyt kinnen En predicken dat rechte Godts woort. Wie soude hem nu verschricken Die den Rechter te vriende heeft Hy mach wel bly verquicken Die in Gods woorden leeft
Wie mach hem voor Christo versaghen O menschen heel verdwaelt Esa. 53, 7.Onse qualen heeft hy ghedraghen Ende pijn en schult betaelt. Van blinde leyders der blinden Suldy looselijck zijn betraept En van uwen naesten vrienden Mich. 7, 5Die in uwen arme slaept Tot brande oft verdrencken Suldy zijn gheaccuseert Maer een let en machmen v niet crencken Voor dat haer Godt consenteert. Mat. 5, 11 1. pet. 3, 14 ende 4, 14. Salich moeten sy wesen Die om de waerheyt zijn ghepijnt Veracht, bespot, begresen Alsoot nu claerlijck schijnt Maer troost v in Christus lijden En wilter v niet in verslaen mat. 10, 24 luc. 6, 40. Joan. 13, 16 ende 15, 20.De knecht en mach tot gheenen tijden Bouen zijnen Meester gaen. En wilt v niet veruaren Als ghy voor den rechter coemt Al mach hy v beswaren Dat ghy totter doot wert verdoemt Sterckt v in Christo al ghemeene Om onser menscheyt cranck Want sonder hem zijn wy alleene Als coper sonder gheclanck. Ro. 8, 31. Wil Godt hem voor my setten Wat moghen my de menschen doen? Gheen man en mach my letten Al waer hy noch so coen Sterckt v in Christus lichte Sulcke hulpe ghy behoeft Want die dit Liedeken dichte Die heeftet wel gheproeft.
Cookies on Poetry Cove