C Na de wijse: Nu radick alle Ruyters, &c. VErhuecht ghy Christen alle Maect vruecht in desen tijt Door blijschap in dit dalle Die om Gods Name lijt Luc. 21, 26Siet v verlossing naken Weest toch van gheeste bly Ghy vrome Christen schapen
Bedruct Luc. 12, 32 cleyn Hoopken ghy. Wilt nu ghenuecht vseren Ghy die hier wort ghequelt Om Christus Naem ter eerden In grooten druck ghestelt 1. Pet. 4, 7Het eynde alder dinghen Ghenaket soomen siet Dus wilt van vruechde singhen 1. Pet. 3, 9God vertreckt zijn Belofte niet. Wilt desen tijt aenschouwen Ghy die lijt swaer torment Want die v hier benouwen Sullen haest nemen een ent mat. 24, 32 mar. 13, 28 Lu. 21, 27.De Vijgheboom draecht knoopen De Somer coemt naby Laet ons vromelijck loopen Al tot den eynde bly. Nae engte coemt het wijde Joan. 16, 20Nae weenen, groot iolijt Hier nae sullen sy verblijden Die hier worden benijt Want alle die hier lijden Om Christus Naem voorwaer Die wil hy self beurijden Van al haer pijne swaer. Esa. 43, 5 mat. 24, 31 ende 25, 32. De Heer sal self versamen Sijn volck, iae brenghen voort Die lijden om zijn Name Wt West, wt Suyt, wt Noort Tot zijnder heyligher stede Int Rijck zijns Vaders schoon Leyden in seker vrede Dit is der vromer loon. Esa. 51, 11. Die verloste des Heeren Sullen in grooter vruecht In Syon wederkeeren Jae blijschap ende ghenuecht Sal haer in dien ghenaken Droefheyt sal van haer vlien
Nae Esaias spraken Sal haer verlossing gheschien. Esa. 54, 7. Al heb ick v ghelaten Een cleyne ooghenblijck tijt Ick sal weder, wilt vaten Ontfanghen v subijt Met veel bermherticheden In eenen blijden schijn Ende in eeuwicheden Sal ick v Vader zijn. Joan. 16, 20 V droefheyt sal verkeeren In blijschap ende ghenuecht Ende v vruecht vermeeren Want ghy sult zijn verhuecht Hierom wilt vromelijck strijden Eph. 6, 10V wapent inder noot En treet al sonder mijden Vrymoedich totter doot. Wilt vromelijcken strijden Ick ben by v in noot En sal v wel beurijden Esa. 43, 2.Wt water, Vier, iae doot esa. 41, 10V crancheyt sal ick stercken V swackheyt van v doen Door mijn Gheest, in v wercken mat. 10, 28 Luc. 12, 4.Dus vreest voor gheen misdoen. 1. co. 10 13 Niet bouen v vermogen Sal ick (doet nae mijn woort) Laten v ghedoogen Beproeuen, sonder confoort Want die v hier beswaren Sach. 2, 8Die crenct doochappel mijn De wtuercoren Scharen 1. Pet. 2, 9Die mijn eygendom zijn esa. 64, 17 1. Cor. 2, 9 Vanden beghin der dagen Van niemant ist ghesien Mijn volck hoort mijn ghewagen De vruecht die sal gheschien Noch oor, noch hert begrepen
Noyt in eens menschen verstant Bekent ofte ghebleken Hoe lieflijck ende plaisant. esa. 49, 10 Apo. 7, 16 Noch honghere noch dorste Noch hitte v beuaen De Son, hoort mijn propooste Sal rijsen, noch de Maen Tot uwen lichte clare De Heere sal self zijn V claerheyt openbare Bouen allen claren schijn. Esa. 54, 10 De Berghen eer, hoort reden Sullen haer vaste gront De hueuelen haer steden Verlaten talder sont Eer mijn Goetheyt ghepresen Mijn vrede oft verbont Des vredes, v als wesen Laten teenigher stont. mar. 13, 13. Blijft slechts by my ghetrouwe Ghehoorsaem tot den ent Al gaen sy v benouwen In dese werelt blent Volherdet inde strijden Esa. 26, 17 Mic. 4, 9. Joan. 16, 21Een vrou in barens noot En mach haer niet verblijden Want haer druck is groot. Nae tbaren coemt verhueghen Alst kint gheboren is Also men siet ghebueren Heb. 12, 11Dat druck present ghewis Maect een seer groot beswaren Maer die gheoeffent zijn Daer door, gaet hy vergaren Veel goeden met blijden schijn. Die verwint tallen tijden En blijft ten eynde ghetrou Die sullen haer verblijden Als dander zijn int benou
Apoc. 3, 3.Siet ick sal haestich comen Met my brenghen mijn loon Den goeden, en den vromen Ende die boosheyt doen.
Cookies on Poetry Cove