C Na de wijse: Vanden Blinden Man.
O Lieue menschen ouer al Ter werelt hier int Aertsche dal V dies niet roemt Alle Christenen te wesen Om dat ghy Christen zijt ghenoemt. Luc. 13, 3. Betert ghy niet v leuen boos Den Naem helpt v niet altoos Ghy moet vergaen Also Christus heeft ghesproken Mat. 3, 1. ende 4, 7. Mar. 1, 15 Luce. 3, 3.Om boete te doen, so weest beraen. Den Naem en sal v ghelden niet Ten sy dat ghy, na Schrifts bediet Joan. 3, 3. 1. pet. 1, 23.Wt Godes woort Van nieus zijt wedergheboren En gaet na zijnen wille voort. Phi. 2, 5 Sijt ghy niet als Christus ghesint Den Naem is als een hant vol wint Een ydel waen Als Hoep op een Dijstelbloeme Die vanden wint wech stuyuet saen. Wat mach helpen den blooten naem? Sijt ghy Ro. 12, 5. 1. co. 12, 27 Col. 1, 24. gheen Lit aen zijn Lichaem Gheaert alst Hooft Ten mach v lien al niet baten Anders zijn eer, hem ghy berooft. Wat hielpet doch den Phariseen Dat sy haer roemden int ghemeen Opt selue pas Dat Godt was haerlieder Vader Christus seyt ioan. 8, 44 dat den Duyuel was. Die v (O menschen) wel sal gaen Seg ick ghewis Met Christo onsen Heere Dat hy een valsch Prophete is. Die het volck in haer boosheyt stijf Op houden door alsulck bedrijf Met lueghens groot Ese. 13, 10Segghende, daer is goet vrede
Nochtans veel meer deeuwighe doot. Want so ter werelt wijt en breet De menschen niet en draghen leet Goet en oprecht Van haerlieder voorleden sonde Tis al verloren vre ghesecht. Ro. 14, 7. 2. cor. 5, 15 Gal. 2, 20. Een Christen moet ghestoruen zijn Dees werelt ergher dan fenijn En leuen Godt Almachtich, na Paulus leere Al wort hy al des werelts spot. Een Christen moet, O menschen blent Dees werelt zijn so different Als dach en nacht Als een Mat. 5, 16 Phil. 2, 15 Licht in deser werelt Lichten in dit verkeert gheslacht. Een Christen van eph. 4, 23 ghemoede nieu Segt dees boose werelt Adieu Sap. 2, 16Ende hem scheyt Van alle hare boose weghen Als van een vuyl onreynicheyt. Een Christen niet lieuer en heeft Op dees werelt van al dat leeft Met herten reyn Tsy ghelt, goet, seer hooch verheuen Dan Christum zijnen Heere alleyn. Een Christen, dits een woort als duyst Gal. 5, 24Die moet zijn vleesch hebben ghecruyst Ro. 13, 15 1. pet. 2, 11.Met zijnen lust Ende oock met zijn begheerten Dat is, dat hy van boosheyt rust.
Cookies on Poetry Cove