C Na de wijse: Ick seg adieu, wy twee wy moeten scheyden. ONtwaeckt nu al ghelijck Wilt Christum leeren bekinnen Want zijn eeuwich Rijck Heeft hy ghegheuen wt minnen En heeft alleen salich ghemaeckt Die na zijn woort te rechte haeckt mat. 10, 33 mar. 8, 38. Luc. 9, 26Dat niet en versaeckt // dat niet en versaeckt Met den nieuwen iare // Gods leeringe smaeckt. Al wordy hier benijt Om het rechte woort vol eeren mat. 10, 32 Luc. 12, 8.Christus Naem belijt Voor Coninghen, Princen en Heeren esa. 51, 7. ende 12. mat. 10, 28 Luc. 11, 4.En wilt niet vreesen wat ghy doet De cracht des Gheests sal v de woorden goet Ingeuen metter spoet // ingeuen metter spoet Die ghy hen sult segghen, hebt goeden moet. Joan. 14, 6 Hy is de wech seer reyn De waerheyt, en dat leuen Sy comen al certeyn By den Vader hooch verheuen Die aen zijn woort te rechte hout En ander valsche Afgoden schout Van Siluer oft Gout, van Siluer oft Gout Den Soon des menschen alleen betrout. Wilt dach en nacht
Sijn Goddelijck woort verclaren Voor den vyperen gheslacht En wilt v niet veruaren Al wordy veruolcht, zijt vrij ghestilt Christus is v stercte, en uwen Schilt Als ghy vechten wilt, als ghy vechten wilt Tegen valsche propheten, haer macht die smilt. Ghelooft den Vader vast Joan. 3, 16 1. ioan. 4, 9Hy heeft ons sinen Sone ghegheuen Op den viant niet en past Want hy heeft hem verdreuen mat. 10, 13Hy en mach v niet crencken een haer Die God betrout, is sonder vaer Broeders eenpaer // Broeders eenpaer mat. 22, 38 Joan. 13, 34 ende 15, 12.Hebt malcanderen lief, gebiet Christus claer.
Cookies on Poetry Cove