C Na de wijse: De traenkens die sy weende, die deden den Ruyter wee. Ro. 13, 11. Eph. 5, 14MEnschen wilt al op waken Dit is hoort mijnen raet mt. 16, 24 mar. 8, 34Eerst moet ghy v versaken ps. 34, 15 ende 37, 27. 1. pet. 3, 11.En laten af vant quaet Op dat ghy muecht gheraken Den wech die ten leuen gaet. Ick wilde wel O Heere Gaen doen na uwen raet Maer mijn vleesch quelt my seere Ick come tot v om baet Sterckt my met uwer leere Mijn hoep alleen op v staet. Die my van herten minnen Hoort al int openbaer Mat. 7, 7. Luc. 11, 9.Moet soecken, sal hy vinnen Wie vint, die nemet waer En grijp met blijde sinnen mat. 10, 38 ende 16, 24. mar. 8, 34. Luc. 9, 23.Sijn cruys op, en volch my naer. Ick soude wel van herten V Hee willen volghen naer Maer mijn vleesch quaet van perten Strijt teghen my eenpaer V cruyce doet hem smerten Het valt hem veel te swaer. Ghy sult werden verknesen Om mijns Naems wille alleyn Esa. 51, 7. Jerem. 1, 8 mat. 10, 28 Luc. 12, 4.Hierom en wilt niet vresen De menschen groot noch cleyn mt. 10, 24 Joan. 13, 16 ende 15, 20,De knecht en mach niet wesen Bouen sinen meester reyn. Ick en soude niet veel maken Van de menschen wreet en fel
Maer mijn vleesch, dit zijn de saken Dat hout my int ghequel Ten can gheen lijden smaken Het valt my altijts rebel. mat. 11, 28 Coemt al die zijt beladen Coemt en leert al van my Ick ben vol van ghenaden Ootmoedich van herten vry Ick en salse niet versmaden mat. 10, 38 ende 16, 24. mat, 8, 34 Luc. 9, 23.Al die my volghen bly. Van v wildick wel leeren Ootmoedich van herten te zijn mat. 18, 3Const ick my omghekeeren Als een cleyn kindekijn Ja const ick my verneeren Mijn vleesch dat doet my pijn. Wildy zijn mijn wtuercoren So sult ghy in alder manier Joan. 10, 3Mijn stemme moeten hooren En daer na doen seer schier Joan. 3, 5.Van nieus worden gheboren Wt water, Gheest ende vier. Ick soude wel willen wesen Herboren al wt den Gheest Maer de sulcke werden verknesen Veruolcht van de werelt meest Mijn vleesch dat is door desen Versaecht en seer beureest. Joan. 14, 6 Ick ben de wech en tleuen De waerheyt, Joan. 10, 9 de duere fijn ioan. 10, 11Ick ben een goet Herder verheuen Wildy mijn schapen zijn So moet ghy sonder sneuen Gaen volghen der stemmen mijn. V stemme laet ghy my hooren Maer tvolghen valt my seer swaer Den wech die ghy zijt vooren Leyt totten Hemel claer Vol Dijstelen ende Dooren
Is hy, hoe gheraeck ick daer? Coemt al sonder bedincken Menschen groot ende cleyn Joan. 7, 37.Die dorst heeft, coemt om drincken Leuende water reyn Om niet wil ickt hen schincken Die comen tot mijnder Fonteyn. Daer na sou my wel dursten O Heer mijn toeuerlaet Maer selden ben ick in rusten Door mijns vleesch quaden raet Het soeckt al zijn wellusten Gen. 6, 5. ende 8, 21.Altijts gheneghen tot quaet. Wildy mijn Rijck beeruen So moet ghy haest sonder waen Eph. 4, 22 Colo. 3, 9.Den ouden mensch bederuen En volghen my seer saen Vleesch, bloet, dat moet ghy steruen Sout ghy Sap. 5, 17 4. esd. 2, 43 2. tim. 4, 8 1. pet. 5, 4. Jaco. 1, 12. Apo. 2, 10 de croone ontfaen. Is de croon so gheleghen? So ben ick seer veruaert Het vleesch staet my so teghen Door sinen quaden aert So ben ick in alle weghen Van herten so seer beswaert. Wildy met my verblijden Mijn liefste kinderen zijn Heb. 12, 5. Apo. 3, 19So moet ghy mijn castijden Draghen, een cort termijn Stelt v tot druck en lijden Benautheyt, veruolch en pijn. O Heer wilt my ontfermen Dicwils ben ick benout Aenhoort mijn claghen en kermen Mijn suchten menichfout O Heer wilt my beschermen Van al mijn Vianden stout. Ghy en muecht niet werden flauwe Weest vroom doet mijnen Raet
Dats volcht 4. esd. 7, 7 mat. 7, 13. Luc. 13, 22 den wech seer nauwe Die tot den leuen gaet Ist dat ghy blijft ghetrauwe So wert ghy bewaert vant quaet. Psal. 7, 2. ende 11, 2. ende 31, 2. Op v betrou ick Heere Ghy zijt mijn toeulucht alleyn Verlaet my nemmermeere Mijn Godt, mijn Capiteyn Ick ben seer broos en teere Apoc. 3, 8.Mijn macht die is seer cleyn. Ick en sal v niet laten Luc. 12, 32Vreest niet ghy cleyne Schaer Ick heb om uwer baten mat. 27, *.Het cruys ghedraghen swaer ioan. 15, 6.Sonder my (wilt dit vaten) Vermuecht ghy niet te gaer. Wat hebt ghy voor my onweerdich Gheleden en ghedaen Wt den Hemel ghecomen veerdich Wt grooter liefden saen mat. 10, 12. ende 24, 13.Dus maeckt my oock volheerdich 1. pe. 2, 21V voetstappen na te gaen. ioan. 6, 51. Ick ben dat Broot seer crachtich Ghedaelt wt mijns Vaders Rijck Wie daer af eet waerachtich Sal leuen eeuwelijck Dus zijt altijts ghedachtich mat. 10, 38 ende 16, 24.Te volghen my blijdelijck. Dit moet ick v noch claghen Dicwils ben ick belaen Mijn vleesch, gaet my so plaghen Wilt my toch helpen saen Het soeckt al zijn behaghen Och wilt my in staden staen. Rom. 8, 13 Leeft ghy na tvleesch behaghen Soo naeckt v tormenten groot Dat sult ghy seer beclaghen Als ghy zijt inder noot En moet teeuwighen daghen
Steruen de eeuwighe doot. Hier voor soudick my schricken O God der 1. tim. 6, 15 apo. 17, 14 ende 19, 16. Heeren Heer Wilt ghy my toch so schicken Dat ick doe na v leer Wilt mijnen Gheest verquicken Mijn vleesch te cruycen seer. Ick mensch vol van ellende Van slijck, een aerden vat De crancxste van Adams bende Ick mach wel claghen dat Want hoe ickt keere oft wende 4. esd. 7, 7 Mat. 7, 13 Luc. 13, 22Seer nau is uwen pat. Och constick nu gheweenen Een zee vol tranen claer My so mochte vercleenen Door v Hemelsche Vaer Op dat ick na mijn meenen Ghenade vercreghe hier naer. O Heer helpt my doen tbeste Coem watter af comen mach Dit liet hier me de reste O Heer hoort mijn gheclach Ontfermt my toch int leste O Heer inden quaden dach. O Prince Godt vol vreden O hoochste Godt triumphant Maeckt my van uwe Leden Neemt my toch in v hant Och Heere aenhoort mijn beden Wilt my doen onderstant.
Cookies on Poetry Cove