C Na de wijse: Swinters Somers euen groen. O eccli. 43. *. Heere Godt van grooter machte 1. ti. 6, 15.Niemant en is doch ws ghelijck Eccli. 43, 25.Ghy spant den Hemel wt met crachte Ouer die gantsche werelt wijt 1. ti. 6,15.O schepper God van altemale esa. 45, 23 Ro. 14, 11 Phil. 2, 10Voor v moeten buyghen alle knien Ontfermt v ouer Hendrick Verstralen Door v Gheest laet hem troost gheschien. Al lig ick hier nu vertreden Voor v O Heer ist naeckt en bloot mat. 10, 32 Luc. 12, 8.Vwen naem hebbe ick beleden Alle morghen wacht ick de doot Sterckt my O Godt in dit benouwen Dat biddick v wt liefden reen mat. 19, 29Ick moet verlaten mijn Huysvrouwe Om v waerheyt en anders gheen. Hier omme wilt doch bewijsen V goetheyt, Heer ghy doch wel weet Mijn vrou en kinderkens te spijsen 3. re. 17, 14 Luc. 4, 26Als ghy de wedu tot Sarepta deet Bewaert mijn vrou en kinders cleene O Heer door uwen goeden raet Op dat van mijnen bloede gheene In v toecoemst verloren gaet. Al ist dat wy nu moeten scheyden Mijn lieue vrou met groot verdriet Jaco. 5, 8.Laet ons met lijdtsaemheyt verbeyden Die toecoemste des Heeren siet
Helpt my den Heer louen en prijsen 1. pet. 4, 15Want wy lijden niet als een dief dan. 12, 12 mat. 25, 32 1. co. 15, 52 1. tes. 4, 16Wy sullen wederom verrijsen Troost v hier me mijn schaep mijn lief. Al ben ick v nu ontnomen Door de tyrannen wreet en stout Wy hopen weder by een te comen mat. 25, 34 mar. 13, 27 Jude 15.Als de Heere zijn ordeel hout Dan sal de Heer ons leet met crachten 4. es. 15, 9 Apo. 6, 10 ende 19, 2.Vier dubbelt weder wreecken siet Die ons om de waerheyt verachten Waren beter gheboren niet. Al ist dat wy nu moeten trueren Ten sal niet langhe dueren vry ps. 102, 27. 2. pet. 3, 10 Heb. 1, 11.Den Hemel die sal oock schueren Den dach der betaling is na by De Heer coemt om Sion te wreecken Die zijn volck hier hebben ghehaet Sullen van hem worden versteken Als asschen onder zijn voeten quaet. De beloften Gods vol trouwen Heeft Maeyken Deynoots wel versint Sy wilde my gheselschap houwen Doen sy sach dat my den Schout vinck Ick acht my seluen salich te wesen Sprack onse lieue suster tot my Dat ick om trijcke Godts ghepresen Met v nu oock mach steruen vry. Maeyken onse suster bequame Hout aen de waerheyt cloeck en stijf mat. 10, 39 ende 16, 25. mar. 8, 35. Luc. 9, 24Sy wil wel om des Heeren name Nu verlaten, haer ionghe lijf apo. 7, 14Haer cleeders wil sy wasschen schoone Int bloet des Lams seer delicaet De Heer salt haer wel weder loonen Al die vroom voor de waerheyt staet. Maeyken haer moeder seer beminde Haer deerde seer den ouden stam Waert dat sy Gods Gheest versinde
Sy en soude nu niet wesen gram Maer comen als de moeder dede So wy in Machabeen verstaen Ende troosten haer dochter mede 2. ma. 7, 21Als sy haer seuen soons heeft ghedaen. Maeyken en Hendrick Verstralen Gheuoelen beyde wt Godts woort Sap. 5, 17 4. es. 2, 43 2. Ti. 4, 8. 1. pet. 5, 4. Apo. 2, 10Wie de croon des leuens wil halen mat. 7, 14 Luc. 13, 22Die moeten door de enghe poort De wech is smal, enghe ter kueren Wy moeten dringhen also stijf Dat aen de posten vander dueren Moet nu blijuen ons beyder lijf. Hier mede wy act. 20, 32 v Godt beuelen Mijn schaep mijn alderliefste wijf eph. 5, 19 Col. 3, 19.Laet ons den Heer singhen en spelen Int herte, staen voor de waerheyt stijf Al ligghen wy op Aerden verbeten mat. 25, 4Wy sullen met de maechden wijs Apo. 2, 7Al vanden houte des leuens eten Dat midden is int Paradijs. Adieu Janneken Verstralen reene Adieu mijn Gen. 2, 24 mat. 19, 5. mar. 10, 8. Eph. 5, 31 vleesch en oock mijn bloet Judich. 8, 19.Dient doch den Heer v Godt alleene Ghelijck als dede Judith vroet 1. Ti. 5, 5Blijft int ghebet en smeecken mede Ghelijck als Paulus oock vermaent Dach en nacht met cuyschen zede Ghelijck een eerbaer wedu betaemt. Hier voor O Godt van Hemelrijcke Bidde ick v dach ende nacht Bewaert mijn vier Schaepkens ghelijcke Want tstaet alleen in uwer macht Om uwen Naem laet ick mijn leuen Dus bid ick v ghy hoochste Regent Wilt Christum uwen Soone gheuen Mijn huysvrou tot een testament.
Cookies on Poetry Cove