C Na de wijse: Het daget inden Oosten. HOort doch nu al te samen Die te Haerlem binnen woont Heft op v ooghen sonder schamen Siet wat v wort ghetoont. Niemant mach hem verschoonen Ghy hebtet wel ghehoort Hoe wy gheuanghen v verthoonen
Twoort Godts al van de poort. Gaet vraecht het onse ghebueren Wien wy yet hebben misdaen Die sullent tuyghen taller vreu En wiltet nu verstaen. Als ghy dan sult beuinden Dat wy niemant deden verdriet De Schrift salt v ontbinden Waerom dat sulcks gheschiet. Als wy plachten te loopen Met de werelt soet verblint Mat. 7, 13En volchden de meeste hoopen ioan. 15, 19Doen waren wy wel bemint. 1. cor. 6, 11 Hoereerders, dobbelaers, dronckaerts Eph. 2, 2 Colo. 3, 7. Tit. 3, 3.Sulck hebben wy al gheweest Seer valsch, meyneedich, en pronckaerts En hebben ons Godt niet gheureest. Men conde niet wel bedencken Oft wy waren daer mede besmet Om onsen naesten te crencken Met bedroch te brenghen int net. Doen heeftmen niemant vonden Die ons bestrafte vant quaet Men en heeft ons niet ghevonden Om ons onnutte ghelaet. Maer nu wy weder keeren En doen na Christus raet Nu sietmen ons verheeren mat. 10, 22 ioan. 15, 19.En worden ter doot ghehaet. Paulus heeft wel beschreuen Dat sulcks sal moeten gheschien 2. tim. 3, 12Aen die Godtsalich willen leuen Och wilt hier doch op sien. Esa. 59, 15 4. es. 14, 17. De waerheyt leyt op de straten Als ons Esaias ontclooft Die van den quaden wil aflaten Wort van alle man berooft. mt. 10, 24 Luc. 6, 40 Joan. 15, 20 De knecht wort niet verheuen Bouen zijn Heer vermaert
Mat. 27, * Joan. 19, *.Met Christo sachmen oock dus leuen Dus zijn wy onueruaert. De tijt (spreeckt Christus) sal comen mat. 10, 17 Joan. 16, 2.Datmen handen aen v sal slaen En wilt daerom niet schromen Tsal hier haest zijn ghedaen. Sou nu sulcx niet gheschieden Alst Christus heeft gheseyt Hoe moecht ghijt anders bedieden Oft hy hadde tvolck verleyt. Ick seg Christus verheuen Die hadde seer ghemist Als hy was in dit leuen Dat hy niet bet en wist. mt. 26, 37. ende 27, *. Dat hy hier woude lijden 2. cor. 8, 9Armoet, hongher en verdriet ioan. 10, 31En moeste die steenen mijden Die om hem vloghen siet. De Apostelen allegader Die ghetuyghen Christi saen Gen. 4, 8. 1. Joan. 3, 12Die ist oock so ghegaen. Wilt niet wachten om te vercrijghen Een ander vryer tijt Col. 2, 18.Laet v niet langher bedrieghen Twoort Gods moet zijn benijt. Soeckt na dat cleynste ghetalle Twelck recht in de leere staet Tis een soet volcxken ouer alle Spoeyt v haest, dat niet en laet. Hoort ick moet v vertellen Ende segghen ons gheloof Daerom sy ons dus quellen esa. 59, 15.En achten ons almans roof. mt. 28, 19 mar. 16, 16 Om dat wy ons laten doopen Opt gheloof na Christus rappoort En segghen na Schrifts ontknoopen Dat den kinderen sulcx niet behoort. De kinderen wy wel weten
mat. 19, 14Dat in ghenaden staen Ten is niet dan ydel vermeten Dat aen haer wort ghedaen. Om dat wy oock gheloouen Dat Christus is reyn ende puer Joan. 3, 51. ende 6, 31. Eph. 4, 9Al vanden Hemel hier bouen Ende niet van Adams natuer. Om dat wy weder segghen Den Paus ende Roomsche Kerck sijn comenschap ontlegghen Want ten is niet Gods werck. Wy belijden oock onuerholen Van tcleyne ghebacken broot Dat sy hier swaerlijck dolen Diet eeren voor Godt inder noot. Wy weten dat Christus verheuen Act. 7, 55. Eph. 1, 20 1. pet. 3, 22 Heb. 1, 13.Sidt by zijn Vader vailliant Hy en coemt niet weder beneuen Onder der Pharizeen hant. Ro. 2, 22.Gods eer dat sy vercleenen Al door haer lueghens groot Eylaes men macht wel beweenen Datmen eert alsulcken broot. mat. 26, 25 mar. 14, 22 Luc. 22, 19 1. cor. 11, 22 Wy vinden wel beschreuen Van Christus Auontmael Hoe hijt hielt sonder sneuen Met zijn Jongheren int generael. Wy doent oock sonder roeuen Als Christus heeft ghedaen 1. co. 11, 27Elck mach hem seluen wel beproeuen Eermen wel ter Tafel mach gaen. 1. cor. 6, 10 Gal. 5, 20. Met dronckaerts ende schenders der vrouwen (Och dat ghijt wel verstaet) Sijn Auontmael hy niet wil houwen Daermen mercken mach eenich quaet. Daerom ist dat wy leeren mat. 18, 8 ende 17. 1. Co. 5, 10 2. Tes. 2, 6Den Ban na Schrifts ghebot Al om den quaden af te weeren Vanden goeden, hier isset slot.
Hier is de Coninginne De Ghemeente, Christus Bruyt Eph. 5, 27 apo. 21, 27Daer niet besmets mach inne Maer worter ghedreuen wt. Och Broeders altesamen Neemt in danck dit cleyne ghedicht mar. 8, 38.Ons gheloof wy ons niet schamen Och wort ghy daer door ghesticht. Wy hopen door dit verneeren Dat ghy aen ons slot en hoort Dat ghy v sult bekeeren En veel sullen comen voort. Clement en een hiet Mary Joris, die dit eerst sanck En hebben niet ghedaen contrary Sijt ghewaerschout, neemtet in danck.
Cookies on Poetry Cove