C Na de wijse: Laet ons den Lantman louen. LAet ons dat woort Gods prijsen Ghy Christen al ghemeyn Het doet de siel verrijsen 1.pet. 1, 22.En maeckt de sinnen reyn Maer ongheloouichede Den Gheest beswaren doet Dwoort Gods brengt ons in vrede Dat edel graenken soet Deut. 8, 3. Mat. 4, 4Daert al by leuen moet. Dat woort Gods is so crachtich Van machte also groot Joan. 11, 25Wie dat ghelooft waerachtich Hy leeft al waer hy doot Verloren sal hy wesen So wie des niet en doet Gala. 3, 9.Tgheloof moet ons ghenesen Dwelck coemt duert graenken soet Deut. 8, 3. Mat. 4, 4Daert al by leuen moet. Tis de moeder vercoren Joan. 3, 3 1. pet. 1, 23.So ons de Schrift maeckt vroet Daer wy door zijn herboren In alle duechden goet Om wellust te versaken Van eyghen vleesch en bloet Dus can ons twoort Godts maken Dat edel graenken soet Deut. 8, 3. Mat. 4, 4Daert al by leuen moet. Daer staet claerlijck gheschreuen
Verstaghet cleyn en groot Dat die menschen niet leuen Deut. 9, 3. sap. 16, 26Alleene by het broot Maer oock by alle leere Die wt Godts monde vloet Dus moet ons al regeren Dat edel woort Godts soet Deut. 8, 3. mat. 4, 4.Daert al by leuen moet. Hoe souden wy doch leuen So daer gheschreuen staet Ware ons niet ghebleuen Dat Goddelijcke saet Ge. 19, 24. Esai. 1, 9. ende 13, 19. Jer. 50, 40 Ro. 9, 29.Als Sodoma die soncken Al in des Duyuels broet Maer nu is ons gheschoncken Dat edel woort Gods soet Daert al by leuen moet. Deu. 8, 3 mat. 4, 4. Christus de Heer ghepresen Sprack tot zijn ionghers cleyn Waerachtich so wy lesen Joan. 15, 3.Door twoort zijt ghy reyn Eph. 2, 8Niet door ons eyghen wercken Noch door verdiensten goet Ghy Christen wilt aenmercken Dat edel woort Godts soet Deut. 8, 3. Mat. 4, 4Daert al by leuen moet. eph. 6, 17 Heb. 4, 12 Apo. 1, 16 ende 2, 16. ende 19, 15. Het is een sweert van crachte So Paulus doet vermaen Des boosen viants machte Daer door wy al ontgaen Sijn macht wort hem benomen Ghetreden onder de voet Het is tot onser vromen Dat edel woort Godts soet Deut. 8, 3. Mat. 4, 4Daert al by leuen moet. Tis een eph. 6, 13 Harnas van weerden Het brengt ons wt der noot Sy gaen daer door ter Aerden Helle, Duyuel en doot
Eph. 6, 16Het raet de pijlen schutten Van den viant onvroet Het is ons siele nutte Dat edel woort Godts soet Deut. 8, 3. Mat. 4, 4Daert al by leuen moet. Dat wy eeuwelijck leuen Die Gheloouighe ghemeyn Dat doet Godts woort verheuen Dat Goddelijcke greyn Om dat wy vast betrouwen Met hert, sin en ghemoet Ten laet ons niet verflouwen Dat edel woort Godts soet Deut. 8, 3. Mat. 4, 4Daert al by leuen moet.
Cookies on Poetry Cove