C Na de wijse: De Meysche iuecht, die doet ons alle vruecht orbooren. mat. 6, 24 Luc. 16, 13NIemant wel can Dienen twee contrarie Heeren Deen hanghe an Sal hy dander abandoneren Hier wt so mogen wy nu leeren Datmen Godt en Mammon nacht oft dach Met goet verdrach // niet dienen mach Want sy alle tijt discorderen. ioan. 8, 44 Sathan heel boos Is een Vader der lueghenaren Maer God altoos Haet lueghenachtighe sondaren Aldus blijcket int openbaren Dat Mammon meest is des werelts vrient
Maer diemen dient // wijs gheingient Ro. 6, 23.Diens loon salmen namaels vergaren. Elck mach toe sien Wien hy om dienen begint moeyen Sap. 1, 5.Godts Gheest sal vlien Die gheueynst in lueghens opgroeyen mat. 15, 13Dat Godt niet plant, moetmen wtroeyen Want so swart wit, niet en zijn ghemeyn Jaco. 3, 11.Wt een Fonteyn // can gheen onreyn Dats bitter en soet water vloeyen. Niet batet doch Na Christo draghen Christen name Mammons bedroch Moetmen schouwen na den betame Joan. 10, 4En volghen Christum eph. 4, 15. Col. 1, 18. tHooft bequame Sonder lieghen met neerstich arbeyt Want so schrift seyt // 2. co. 6, 14 lueghen, waerheyt Hebben gheen ghemeynschap te same. Dus al die zijn Willen, Godts kinderen waerachtich In gheen termijn Behoorden tzijne luegenachtich Want lueghenaers altijts tweedrachtich ioan. 8, 44Sijn wt den Duyuel ghegenereert eccli. 5, 8Dit wel noteert // en v bekeert Tot Godt wt uwer sielen crachtich. De werelt vry Ist (soot schijnt) lueghenen te spreken Maer vrienden ghy En sult also niet zijn ghebleken Want Apo. 21, 8 Godt sal lueghenaers versteken Ende scherp wreken, haerlier bedrijf Dus man oft wijf // op siel en lijf Schout slueghenaers valsche ghebreken. Godt is partie Van al die lueghenen vermonden Wel henlien die Mijden, lueghenachtighe gronden Want lippen lueghenachtich vonden
Sijn den Heere een afgrijsen groot De Schrift seyt bloot // Sap. 1, 11 Apo. 21, 8 ende 22, 15. weerdich de doot Sijn lueghenaers teeuwighen stonden. V niet bedriecht Die dobbelhertich Godt wilt paeyen Sap. 1, 11Een mont die liecht Vercrijcht de doot sonder dilaeyen Men mach de waerheyt niet verdraeyen Sonder lieghen, men die volghen moet Siet wat ghy doet // tsy quaet oft goet Gala. 6, 9Wat de mensche saeyt sal hy maeyen. Wie saeyt opt vleysch Die sal maeyen des vleeschs verderuen Maer na Godts heysch Die op den Gheest saeyt, sal verweruen Vanden Gheeste des leuens eruen Hier wt macht blijcken watmen begint Apo. 21, 8 ende 22, 15.Wie lueghens mint // vleeschelijck ghesint De eeuwighe doot moet hy steruen. eph. 4, 15 Schouwen gheheel Moet de lueghenen elck persoone 2. cor. 6, 14Want paert noch deel Heeft de duysterheyt met tlicht schoone Hier by vrienden Christi ydoone Waer ghy vint lueghenaers wanckelbaer Esa. 52, 11 Jer. 51, 6. 2. cor. 6, 17 Apo. 18, 4Gaet wt van haer // dat ghy hier naer Haer plaghen swaer // niet crijcht te loone. Na schrifts bediet Apocali. 12, 15.Vliet al die lueghenen beminnen Ende gaet niet Psa. 1, 1.Inden Raet der Godlooser sinnen Schout sondaers wech, wat sy beginnen En op spotters Stoel niet en sit Tbruylofts cleet wit // gheensins besmit Op dat ghy Godts Rijcke moecht winnen. Die dit ghestelt Heeft voor waerschouwen int ghemeene Bidt dat elck velt De lueghen groot ende cleene
Joan. 14, 6 En volghe de waerheyt alleene Twelck Christus is, so Schrift openbaert mat. 10, 26Wie onueruaert // Waerheyt verclaert Coemt by Christum int leuen reene.
Cookies on Poetry Cove