C Na de wijse: Alst begint. NV zijn de veruaerlijcke daghen Daer ons de Schriftuere af heeft voorseyt Eenen droeuen tijt wel om te beclaghen Het sal noch worden deerlijck beschreyt Want daer worter veel verleyt Na dat vier der eeuwicheyt. Wy waerschouwen en seggent v te vooren Met sanghe doen wijt v vermaen Wildy na ons waerschouwinge niet hooren So suldy in v sonden vergaen Godt de Heer die sal v slaen ge. 19, 24 Esa. 13, 19 Jer. 30, 40 Amo. 4, 11Als hy Sodoma heeft ghedaen.
Hierom ghy Broeders altesamen Die nu als Paulus zijt bedacht Rom. 1, 16En wilt v Deuangelium niet schamen Psal. 1, 2Maer spreeckt daer af, dach ende nacht Daer staet, het is Gods cracht Wiet versmaet, oft wiet veracht. Al zijt ghy om der waerheyt verschouen En wilt daerom van Godt niet vlien Wort ghi veracht van de werelt daer en bouen Blijschap sal v hier na gheschien Godt die heuet so voorsien Dat de zijne moeten lien. Het is wel noot dat Gods dienaren Ter werelt zijn ghepersequeert Hoe hebben de Propheten al gheuaren? Die Gods woort hebben ghedeclareert Sy zijn al ghemarteliseert Vanden boosen ghemineert. Abel inden eersten beghinne Om dat hy was goet en oprecht Sijn Broeder die hem behoorde te minnen Gen. 4, 8. 1. Joan. 3, 12Die haette hem, so Genesis secht Hy nam teghen hem gheuecht Sloech hem doot, als een boos knecht. 3. reg. 19, 2 Men sach den Propheet Helias verdrucken Hy en wiste nau waer loopen noch gaen Dat deden die onuerstandighe bucken Die altijt teghen de waerheyt staen Sy sullen van dat Godlijck graen iob. 34, 11 psa. 28, 4. ende 62, 13. Jer. 17, 10 ende 25, 14. mat. 16, 27 Rom. 2, 6. 2. cor. 5, 10 Apo. 2, 23. ende 20, 12. ende 22, 12.Na haer wercken loon ontfaen. Daer isser om de waerheyt by duysten Ghedoot, niemant en ghincker vry mt. 27, 34Christum Jesum sy oock selue cruysten Dat deden de Schriftgheleerden sy Laet ons de Christum blijuen by Wy en zijn niet beter dan hy.
Cookies on Poetry Cove