C Een ander. mat. 6, 24 Luc. 16, 13GOdt en Mammon met goet opstel Als twee Heerens beuel Mach niemant dienen wel Oft hy sal den eenen haten En dander minnen bouen maten By desen ghy Christen gheloouighe vaten Voor spijse, dranck, cleers, hoet gheschiet In voorspoet oft verdriet En wilt doch sorghen niet Want Godt voorsiet, door sgheests omraeyen Elck leuende bloet mat. 6, 26.Aenmerct de vogels die saeyen noch maeyen Nochtans zijn sy gheuoet. Des ackers Lelien playsant Niet werckende int lant Wassen oock triumphant mat. 6, 29.Salomons heerlijcheyt ghepresen
Was noyt ghecleet als een van desen Dus Psa. 55, 23. mat. 6, 25. Luc. 12, 22 1. Pet. 5, 7 voor spijse, dranck oft cleers wtgelesen Hebt gheensins sorghe, cleyn noch groot Want de Vader weet bloot Wat elck behoeft ter noot 3. re. 3, 12. Sap. 7, 11 Luc. 12, 31.Soeckt alder eerst tRijcke des Heeren En zijn gherechte daet En alle dese sullen tot v keeren Door Gods voorsienich raet. Godt Gene. 1, * Psa. 33, 6. Joan. 1, 3. Col. 1, 16. Heb. 11, 3. al gheschapen heeft Ist dat hy tmeeste gheeft Sal hy zijn Schepsel na tbewijsen Nootdruftich niet cleeden en spijsen? Waer voren laet ghy mat. 6, 31 sorghe oprijsen Het sy blijde oft droeuen dach Met sorchfulidch gheclach Niemant hem langhen mach Daerom in als, so ghy zijt schuldich Verduldich v quijt Want wy sullen Psa. 36, 8 versaet zijn menichfuldich Ter noot in shonghers tijt. In Deut. 8, 3. shonghers middel na trappoort Tghelooue in Gods woort Doet oprecht, soot behoort Want elck mensche int dal van weene Deu. 8, 4. mat. 4, 4. Luc. 4, 4.Leeft byden broode niet alleene Maer by alle woorden des Heeren reene Dus psa. 55, 23 worpt in Godt v sorghen al Die twijfelijck misual Niemant hier gheuen sal Hoept maer psa. 28, 7 op Godt den Heere almachtich En gheensins claecht Door hem geholpen so wort ghy warachtich Die voor al sorghe draecht. Sorghe voor ons draecht Godt eenpaer Want van ons 1. re. 14, 45 mat. 10, 30 Luc. 13, 7. hooft voorwaer Mach niet een enckel haer Sonder zijn wille al gheraken
Dus psa. 36, 15. beueelt den Heere uwe saken En hoept op hem alleene, hy salt wel maken Al esa. 49, 15 liet een moeder tkint int ghepijn Ghy sult van Godt deuijn Gheensins Psa. 112, 6 vergheten zijn Want hy vergheet ten gheenen stonden mat. 10, 29 Luc. 12, 6.Twee Musschen cleyn En vreest niet ghy zijt waerdigher beuonden Dan veel Musschen certeyn. Waer heeft sHeeren sorchfuldich aert De zijne niet bewaert? Hoe sy waren beswaert Jon. 3, *. ende 4, *.Jonam ghespaert, om spijsen gheestich En dan. 6, 16 Daniel inden cuyl tempeestich Door Hist. van den Draec 12. Abacuc ter noot ghespijst seer keestich 3. re. 17, 6Elias oock door tsRauens bedrijf Spijse confortatijf Ontfinck, om voeden tlijf En nu. 11, 27 Esa. 50, 2. ende 66, 1. niet vercort zijn sHeeren handen In noots gheschien Dus werpt de sorge op God niet om vaillianden Hy sal v wel voorsien. Prince in wt oft inganck Dit tijtlijck leuen lanck Voor zijn rom. 12, 5 1. co. 12, 20 Eph. 1, 23 ende 4, 16. ende 5, 23. Ledekens vranck Sorcht de Heere tallen termijne Want Israels kinders ten fijne Waren exo. 16, 5 Deut. 8, 3. 2. esd. 9, 20 psa.78, 24. sap. 16, 20. 4. esd. 1, 19 Joan. 6, 31. ghespijst in de wilde woestijne Gods Enghels ons wesende ontrent Sorchfuldich diligent Hy als bewaerders sent Daeromme geensins sorcht voor den morgen Om goet beschot mat. 1, 34Want elcken dach sal voor hem seluen sorgen Oorlof, hier mede een slot.
Cookies on Poetry Cove