C Na de wijse: Haer borstkens in haren boesem. OCh vrienden al te samen Ghy die daer vreest den Heer mar. 8, 38 Luc. 9, 26.Laet ons toch Christum niet schamen Oft hy soude ons schamen weer. mt. 10, 28 Luc. 12, 4. En laet ons toch niet vresen
Die tlichaem dooden hier Maer hem, die de siele ghepresen Mach worpen int eeuwighe vier. Smenschen handen moghen wy ontulien Maer Godts hant niet ontgaen Dus laet ons hem alleen ontsien En doen dat hy wil hebben ghedaen. 2. tim. 3, 12 Al die Godtsalich willen leuen In Christo Jesu, het is waer Die moeten worden verdreuen Veruolcht, seyt Paulus openbaer. Esaias seyt daer en bouen Esa. 59, 15Wie van zijn quade weghen afkeert Die moeten zijn alle mans roouen Gods volck moet hier zijn ghepersequeert. psa. 34, 20 De Rechtueerdighe moet veel lijden So de Schriftuere vermelt Het coemt van alle zijden Dat de Christenen worden ghequelt Jaco. 5, 7. Verbeyt met lijdtsamicheden Des Heeren dach coemt aen Dan sullen de Rechtueerdighe, hoort reden Sapi. 5, 1.In grooter volstandicheyt staen. Laet ons doch daer op hopen En verwachten met lijdtsaemheyt Heb. 12, 1.Den camp volherdich loopen Die ons is voorgheleyt. Och vrienden liefste ghepresen De vrede Gods moet ons blijuen by My dunct, het moet ghescheyden wesen Och lieue, bidt doch hertelijck voor my.
Cookies on Poetry Cove