C Een ander. VVaect op, waect op, tis meer dan tijt En laet de werelt varen, ia varen Maeckt v des boosen leuens quijt 1. Joan. 3, 9En wort wt Godt gheboren, gheboren. 1. Joan. 2, 18. De lust des werelts moet vergaen Heeft Joannes gheschreuen, gheschreuen Maer die den wille des vaders doet Die sal eeuwelijck leuen, ia leuen. Ghelt en goet ende daer toe moet Dat moetmen weynich achten, ia achten mat. 16, 24 mar. 8, 34 Luc. 9, 23.En volghen den Heer van herten goet Dat eeuwich goet betrachten, betrachten. luc. 14, 28 Wie eenen thoren bouwen sel Die mach hem wel versinnen, versinnen Ouerdencken eerst de costen wel Eer hy dat gaet beginnen, beginnen. Vleesch ende bloet mach niet bestaen Dat moetmen daerom waghen, ia waghen Want het moet al seer corts tonder gaen mat. 16, 24En zijn cruys moetet draghen, ia draghen. Het is den vleesch een sware pijn Het en can niet wel lijden, ia lijden Alst van de werelt veracht sal zijn Dan sal de gheest verblijden, verblijden.
Nu gheeft my v ghenade Heer En wilt my wijsheyt gheuen, iae gheuen Dat ick mach wandelen nae v Leer Haten mijn eyghen leuen, iae leuen. 4. esd. 7, 6 De stadt is seer lustich en fijn Daer in ick hoep te comen, te comen Maer daer moet veel om ghestreden zijn Dat heb ick wel vernomen, vernomen. Veel Vianden aen elcken cant Sijn op dees enghe straten, iae straten O Heer doet my nu onderstant En wilt my niet verlaten, verlaten. Rom. 8, 6 Vleeschelijck ghesint zijn is de doot So betuycht Paulus leere, iae leere Gheestelijck ghesint zijn, is dleuen bloot En vrede in den Heere, iae Heere. Daerom heb ick my corts bedacht De waerheyt nae te iaghen, te iaghen Niet meer te wandelen inden nacht God alleen te behagen, behaghen. Maer het staet niet in mijnder macht Doen can ickt niet alleene, alleene Daerom (O Heer) neemt mijnder acht Maeckt my dat herte reene, iae reene. Ick salt waghen door v ghena Op v Beloften schoone, iae schoone mat. 10, 18 Luc. 12, 4.De siel en connen sy doen gheen scha Tlichaem moghen sy dooden, iae dooden. Dit Liedeken is wtghericht Tot den prijse des Heeren, des Heeren Ist dat daer yemant door wert ghesticht Dat is wel mijn begheeren, begheeren.
Cookies on Poetry Cove