C Na de wijse: Dat ick om een schoon vrouwe moet steruen. KEert v van uwe boose weghen O ghy menschen wreet en opstinaet Bekeert v alle tot God te deghen Hy is alleene ons toeuerlaet Gheen tijt en salder meer zijn verstaet Na dien datmen hier niet meer en leeft Apo. 10, 6Ghelijck de Enghel // met groot behenghel In Apocalipsi ghesworen heeft. O ghy menschen die quaet zijt van gheeste Ende Godts wil altijts wederstaet Door den raet van de ghecroonde Beeste En door valscheyt van zijn dienaers quaet Die altijts leeren stout onueruaert Teghen de gheboden van Godt den Heer Met al haer crachten // en groote machten Versmadende altijt Godes eer. Mat. 3, 7. Luc. 3, 7. O ghy erch gheslachte der slanghen Hoe sult ghy Godts Ordeel ontgaen?
Apo. 18, 5Want v boosheyt, en al v ganghen Sijn totten Hemel toe ghecomen saen En ghy sult dobbel vergheldinghe ontfaen Van al v boosheyt en ouerdaet Hy salt betalen // v achterhalen Waer dat ghy vliet ofte henen gaet. Dobbel vergheldinghe sal hy v schencken Ende weder gheuen in uwen schoot Om dat ghi spreect, niemant mach my crencken Ick en sal sien oock gheen druck noch noot Ick sitte een Coninghinne groot En ick en sal gheen weduwe zijn Daeromme plaghen // en groote slaghen Sullen op eenen dach v comen fijn. 4. Esdre 16, 54. De sondaer die en derf niet spreken Dat hy niet en heeft ghesondicht voorwaer Want men sal vierighe colen ontsteken Al op zijn hooft vergaderen, dits claer Die daer is sprekende stout eenpaer Ick en hebbe niet ghesondicht quaet Teghen den Heere // noch zijne leere Oft teghen sine woorden delicaet. 4. esdr. 16, 65. O boose werelt wat sult ghy maken? Als de Heere v besoecker sal zijn Hoe sult ghy met v sonden ontraken? Voor Godt ende zijn Enghelen fijn Als ghy sult aenschouwen zijn claer aenschijn Siet Godt is de Richter ouer al Wilt hem aencleuen // so suldy leuen Van de doot hy v verlossen sal. esa. 45, 22. Jer. 15, 19 Sach. 1, 3. Mala. 3, 7 Wilt v al tsamen tot my bekeeren Menschen out ofte ionck wie dat ghy zijt So wil ick my weder tot v keeren En v gheuen al sonder respijt Mijn Rijck, en v maken verblijt Ende verlossen al metter spoet Van deeuwighe doot // en tormenten groot En ick wil v gheuen mijn eeuwich goet. Noch sal ick v gheuen, sonder sneuen
Apo. 3, 21.Te sitten met my op mijnen stoel groot apo. 2, 17En ick wil v oock te eten gheuen Al van dat verborghen Hemelsche broot Joan. 4, 10En drencken v met claer water minioot Ende v my trouwen inder eeuwicheyt Wilt hier op dencken // wie mach v crencken Betrout op my so ick v heb voorseyt. Predict ende willet laten weten Al van de gherechtighe menschen schoon Dat zijt goet hebben, en sullen eten De vruchten van haerder handen loon Maer de wercken der Godlooser coon Die sal hy verghelden met toornicheyt esa. 66, 24 iudit. 16, 25 mar. 9, 47Vyer ende wormen // salse bestormen Dat sy bernen, en gheuoelent in eeuwicheyt. Hoort na my, spreeckt de Heere gepresen esai. 51, 7Ghy die de gherechticheyt begheert met vlijt En die den Heere soecken te vreesen Aenschout de steenrootse die voor v strijt En daer ghy oock wtghehouwen zijt Ick ben v Trooster, weest niet veruaert Ick sal vwen verblijden // en voor v strijden Sie, vreest geen tormenten vier noch swaert. Esa. 51, 4. Merckt op my, mijn volck alle ghemeyne Ghy die de gherechticheyt kennet wel O ghy volck die mijne Wetten reyne Jere. 31, 33 heb. 10, 16.Al in v herten zijt draghende snel Verslaet v niet, al versmaetmen v fel Noch al lasteren v de menschen boos Want diemen en motten // salse doorrotten Maer mijn gherechticheyt die blijft altoos. amo. 5, 14 Soeckt den Heere so sult ghy leuen Die verkiest het goet voor het quaet So sal hy uwen Beschermer wesen Ende v vasticheyt zijn, verstaet En weest niet bedroeft noch desperaet Al valt v het lijden dicwils seer swaer Wilt v in duechden // altijts veruruechden Hebt lief gherechticheyt en volchtse naer.
O Princelijcke 1. tim. 6, 15 apo. 17, 14 ende 19, 16. Heere der Heeren V sy lof, prijs, eer ende Maiesteyt Die ons gheeft v oprechte Leeren Ende uwen Gheest al ouer ons breyt Wy willen v dienen in gherechticheyt Want ghy zijt alleen onsen lofsanck soet Esai. 9, 5.Ons eeuwich Vader // ende berader Wel haer die v verbeyden met ootmoet.
Cookies on Poetry Cove