C Na de wijse: Siet dat ghy v wel beraet. OCh Broeders weest toch niet bedroeft Ghy diet hier moet besueren Joan. 16, 33In de werelt is ons druck beloeft Maer ten sal niet eeuwich dueren 1. pet. 5, 10Een weynich tijts duert ons ellent Maer de eeuwighe vruecht neemt gheen ent Och Broeders ende Susters weest dit bekent. Sap. 4, 5. Ro. 8, 18. 2. cor. 4, 17 1. Joan. 3, 2 Al dit lijden van deser werelt is cleyn Doen Paulus woorden blijcken Hy achtet by de vruechde certeyn Niet weerdich te ghelijcken Och Broeders wilt hier acht op slaen 4. es. 7, 7. Mat. 7, 13 Luc. 13, 22Ontsiet v niet den nauwen wech te gaen Die daer leyt totten leuen, als wy verstaen. Den ruymen leyt totter verdoemenis Welck Christus niet en heelde De vruecht die hier ter werelt is Het is een cleyne weelde Oft wy hadden ghetriumpheert Oft dat wy worden ghepersequeert Wat isset alst is ghepasseert? Als wy dan in de glorie zijn Die daer is sonder ende Niet sal ons letten druck oft pijn Noch de voorleden ellende Luc. 6, 21.Salich zijt ghy die hier schreyt
Mat. 5, 6.Ende dorstet na de gherechticheyt Want ghy sult lachen, so Christus seyt. Ghedenckt wat daer gheschreuen staet Hier mede wilt v stillen mat. 19, 29 mar. 10, 29 luc. 18, 29.So wie (spreeckt Christus) om my verlaet Oft om des Euanglijs wille Huys, hof, acker, hebt gheen ghetruer Ghy sult hondertfout ontfanghen daer vuer Hier na dat eeuwich leuen, ten is gheen luer. Het is al tijdelijck wat hier blijckt Dat men nu siet met ooghen O Christen daer niet op en kijckt Maer wilt v laten ghenoeghen 1. Ti. 6, 8.Als Godt v voetsel ende decksel gheeft luc. 12, 15Want daer niemant af en leeft Van dat hy oueruloedich heeft. Waer wy zijn int aertsche dal In steden oft in dorpen 3. Re. 3, 9. mat. 6, 33. Luc. 12, 31Soecken wy dat Rijcke Godts voor al So wil hy ons nootdruft toe worpen Sijn Beloften en faelgeren nemmermeer Joan. 8, 31Och vrienden blijft by Christus Leer psa. 11, 2. ende 21, 2. ende 71, 1.En werpt v betrouwen niet van den Heer. De Heer heeft alsulcken treck Tot allen die hem vreesen psa. 34, 10Sy en hebben gheen ghebreck Aen eenich goet, so wy lesen eph. 4, 28 2. Tes. 3, 8Arbeyt met uwen handen alst behoort ps. 55, 23 1. Pet. 5, 7Beueelt den Heere de sorghe voort Hy sorcht voor v, ghelooft het woort. Troost v met Christus woorden schoon Sijn woorden en zijn gheen gloosen mat. 10, 28 Luc. 12, 4.En vreest haer met die tlichaem doen Maer wilt sorchuuldicheyt loosen In Godts handen v altijt stelt mat. 10, 30 Luc. 12, 7.Want hy heeft onse hayren ghetelt Sijn macht is bouen Babels ghewelt. Sap. 3, 1Der rechtueerdigher sielen zijn in Godts hant En laet v niet veruoeren
De pijn des doots, na mijn verstant En salse niet aenroeren Gods volck wort vast wtgheroot 1. Cor. 6, 9Ghecastijt, maer niet ghedoot So Paulus seyt, wy lesent bloot. Oft wy alle leefden na den vleys En wandelden na onse lusten So moesten wy noch steruen, smaect dit een reys Nu verhopen wy te rusten Rom. 5, 1.Want wy door tgeloof gerechtueerdicht zijn Der sonden ghestoruen, verstaet wel mijn Rom. 6, 4 Colo. 2, 12 1. pet. 3, 21Begrauen in dat Doopsel fijn. Nu wy staen op sulcken voet Dat wy Gode leuen So laet ons blijuen by Gods woorden goet Ghelijck als de Apostelen dreuen Slecht ende recht in zijnen graet En achten op gheen vernuften praet Colo. 2, 8.En laet v niemant ontrecken de maet. Oorlof Broeders waer ghy zijt Ick groet v al te samen mat. 10, 22 ende 24, 13. mar. 13, 13.Blijft volstandich inden strijt Wilt op gheen menschen ramen Behout Dapostelsche leeringhe net Op dat v niemant en belet mat. 26, 40Laet ons waecken int ghebet.
Cookies on Poetry Cove