C Na de wijse: Rijck Godt wie sal ick claghen. ICk hoorde een maechdeken singhen Met een so soeten gheluyt My docht aen hare dinghen Dat het was der Cantijcken Bruyt Ick stont een langhe poyse
En hoorde na haren sanck Met een so lieffelijcken voyse Sanck sy haren Bruydegom danck. Lof, hoocheyt, prijs en eere Moet v van my gheschien Mijn Bruydegom, mijn Godt, mijn Heere Dat ghy my quaemt besien Met een ootmoedich lijden Verwont ghy Babyloen Willen wy met v verblijden Wy moeten oock also doen. Apo. 17, 5 De verholentheyt is Babels name mat. 13, 9 mar. 4, 9. Luce. 8, 8.Die ooren heeft om te hooren die hoort Sy is de werelt wel bequame En op ons so seer verstoort Mijn Bruydegom sal noch comen apo. 19, 20Mijn Bruydegom sal noch comen En werpense inden gront Hy sal Babylon verdomen Metten sweerde van zijnen mont. Sout ghy niet willen swijghen Bruyt dochter van Sion Ick sal v wel doen nijghen Al waert ghy noch so coen Ick ben van Saturnus gheslachte Den onnooselen doen ick ongherief Ick verandere den dach in nachte Met Antechrist mijn lief Ick ben verheuen totten Hemel Bouen alle Coninghen rijck Ick sitte op eenen Kemel Apo. 17, 3Die den Draecke is ghelijck Ghelijck een Vorsch opt water So is mijn Beest ouer tvolck regent Vrou Bruyt hout uwen snater Oft ghy wort van Antechrist gheschent. Ghy en derft v niet becomen Van ws Bruydegoms groote macht Daer siet ghyse na hem dromen? Hy is seer cleyne gheacht
Apo. 17, 2 ende 18, 3.Ick hebse den wijn gheschoncken Van mijn fenijnighe melck Sy hebben al ghedroncken Met my wt der sonden Kelck. Wy sullen v wel verdrijuen Wilt ghy onsen wille niet doen Ick sal v wel doen ontlijuen Ghy Dochter van Sioen Ick sal v wel doen schenden Van Antechrist v party Die sal het volck verblenden Met lueghenen en Afgodery. Wie soude my doen laten Te singhen mijn Bruydegom prijs Die bouen alle staten Is rijck, machtich ende wijs Deu. 4, 35 ende 6, 4. ende 32, 39. Esa. 37, 16 ende 43, 11. ende 45, 5. ende 46, 8.Hy is de leuende Godt alleene Sijn beloften sullen wesen waer Al ben ick nu in weene Ick verwacht een so blijden nieu maer. mat. 25, 6 Ontrent der middernachte Hoorde ick so soeten gheluyt Staet op, weest in de wachte Ontfangt de Bruydegom en de Bruyt Want Babel moet nu vallen En Antechrist haren boel apo. 19, 20 ende 20, 10.En de valsche Propheten alle In eenen vierighen Poel.
Cookies on Poetry Cove