C Nae de wijse: Waect op ghy Christen alle, waect op met grooter vlijt. HEt blijct nu alle daghen Joan. 2, 16 ende 3, 13.Dat de Werelt is heel verkeert Want men can niet verdraghen Die Godt hier singt oft eert Alst blijct aen de gheuanghen Die ligghen al op de poort En nae haer God verlanghen Die zijn daer niet ghehoort. Esaias heeft recht doen leeren Van dese nacy fijn pro. 17, 15. ende 24, 24. Esa. 5, 20. Mich. 3, 2.Diet goet int quaet verkeeren En tgoet quaet heetende zijn Het licht heet duysternisse En de duysternis heet licht Gods gracy moet ghy missen Wort ghy niet anders ghesticht. Dat wy daer nu toe laghen Om dieft oft moordery Men sou ons wel verdraghen En seggen nu singt toch vry Men soud oock niet verbieden Om voor de poort te staen Alsmen nu siet gheschieden Men mach ons niet spreecken aen.
Hoort menschen allegader Hoe zijt ghy dus verblint Joan. 8, 42Hebt ghy Godt tot een Vader V eens doch wel besint Als ghy hebt opgehanghen Een Haen oft anders yet Om die te winnen met sanghen Daer loopt elck heen met vlyet. V straten ende steghen Die wort dat cont ghedaen Merct oft het is te deghen Dat ghy sulcx wilt voorstaen Daer sy boosheyt hanteren Dat laet ghy onghestraft Sulck drincken en hoereren Als daer gheschiet met craft. Ghy moechtet doch niet seggen Met de waerheyt, dit aenhoort Al wilt ghijt ons opleggen Dat wy doen tegen Godes woort Dus singhen ende roepen Is doch altijt van Godt Op hem ist dat wy hoepen Dus worden wy bespot. Het is seer te beclaghen Jere. 8, 1.Dat ghy dus zijt verdwaelt En nae Godt niet wilt vraghen Oft wat de Schriftuer verhaelt Dat ghy niet weet te scheyden 2. cor. 6, 15Christum van Belial En laet v nu verleyden 3. Re. 18, * ende 19, *.Van Babels Priesters mal. Sijt ghy de Christen Ghemeente Daer voor ghy v gheest vuyt Eph. 5, 30Vleesch, been van zijn ghebeente Als ghy roept ouerluyt Gheen vlecke nochte tempel Wort daer gheuonden in Sulck een is 1. co. 3, 16 2. cor. 6, 16 1. Pet. 1, 5 Hebr. 3, 6. Godes Tempel
Daer wil hy woonachtich zijn. Meynt ghy dat Christus wil woonen Onder alsulcken ghebroet Ghy moecht v niet verschoonen Daermen sulcke grouwelen doet Recht tegen Christus leeren Hout ghy v insettingen al Ghy soect ons te verheeren Met v luegens sonder ghetal. Ghy gaet hem daechlijcx bespotten Met een Luc. 23, 11. Joan. 19, 2 dooren cleet V Goden eten de motten Denckt eens oft hijt niet weet Ghy gaet anders leeren en leuen Als Christus heeft ghedaen Ghy soect v selfs te verheuen En Christus moet achter staen. O Godt wilt haer verlichten Met uwen heylighen Gheest In uwe waerheyt stichten Die minste met die meest Luc. 23, 33 Act. 7, 60.Och wiltet haer vergheuen Sy weten niet wat sy doen Wy biddent al sonder sneuen Door uwen beminden Soen. Och Broeders wilt ons ghedencken Altijt in v ghebet Dat sy ons niet en crencken Die staen nae ons belet Wy groeten v met sanghen Wy geuanghen int ghemeyn Wy hebben seer groot verlangen Om te zijn in tshemels Pleyn.
Cookies on Poetry Cove