C Nae de wijse: Ghy die Christum hebt aenghedaen. ICk claech v (O Heer) mijnen noot Verlost my van deeuwighe doot O Godt my wort so banghe Helpt my nu strijden mijn Coninck groot Wilt nemen vleesch en bloet gheuanghen Heer eer langhe. Sy hebben my ghewelt ghedaen Daerom moet ick ten strijde gaen Strijden sonder versaghen Helpt my vernielen den Duyuel saen 1. Pet. 5, 8Die omgaet om zijn roof beiaghen Alle daghen. De lusten en begheerten quaet Hebben my ghedaen ouerdaet Dat ick viel totter Hellen O Heer hadt ghy my niet omuaet Vergaen had ick moeten seer snelle Met ghequelle. 4. esd. 7, 7 Mat. 7, 13 Luc. 13, 22.De wech is enghe ende smal So wy dat lesen ouer al Die daer leyt totten leuen Schickt v daer toe, al in dit dal Tstaet Lucas dertiene gheschreuen Sonder sneuen. Maer hoort, wat seyt ons Christus claer? So wie dat my wil volghen naer En zijn leuen behouden mat. 10, 39 ende 16, 25. mar. 8, 35. Luc. 9, 24Die salt verliesen, dit is claer Maer diet verliest, twert hem vergouden So wy houden. O Heer ghy zijt mijn troost altoos
Sterckt my Godt, want ick ben seer broos En wilt my nu ontfermen Helpt my verwinnen den viant loos V liefde laet in my verwermen Hoort mijn kermen. Wapent my // Heer, als een vroom man So mach ick winnen den strijt dan Teghen dongherechticheden Doet my den esa. 59, 17. Sap. 5, 19 Eph. 6, 17 1. Tes. 5, 8. Helm der salicheyt an Ende gheeft my den Gheest des vreden Na v zeden. Heft op mijn hooft mijn Heere reen Ghy zijt mijn toevlucht en mijn steen Een leuende Fonteyne Op v staet mijn hope alleen V moeten Apo. 19, 5 louen int ghemeyne Groot ende cleyne. Glory sy Godt den Vader schoon Die daer sidt in des Hemelsch Throon Ghebenedijt moet hy wesen Dat hy ons Gal. 4, 4 sant zijn eenich Soon Door zijn wonden zijn wy ghenesen So wy lesen. Vreest v niet Jerusalem teer Van lijden oft van valsche leer Godt sal v ruste gheuen Onderhout zijn woort lancks so meer Ghy sult comen int eeuwich leuen Hy salt gheuen. Als Israel in de woestijn lach Sy hadden so menighen droeuen dach Eer sy te ruste quamen Also moetmen met veel gheclach Joan. 16, 2.Nu oock lijden om Christus Name Hem niet schamen. Nu bidt den Heere excellent Dat hy mach strijden totten ent Die dit Liet heeft ghesonghen O Godt uwen Act. 2, 4. Gheest in hem prent
Dat hy mach spreken met nieu tonghen Onbedwonghen.
Cookies on Poetry Cove