Veelderhande liedekens, gemaect uut den Ouden ende Nieuwen Testamente

C Na de wijse: Den gast sprack tot zijnen weert. OCh Heere almachtich vader gebenedijt En siet ghy ons niet in deser tijt? Als v oogen op den rechtueerdigen staen Waerom verdrincken sy door spijt V wtuercoren, hoort mijn vermaen? Ghy groote Godt staet ons nu by Wilt ons nu leeren tghebot van dy mat. 10, 22 ende 24, 13.Dat wijt houden volstandich tot inden ent Joan. 8, 31Ja blijuen moghen in v woort vry Door uwen Gheest vast in gheprent. luc. 12, 32 Ghy cleyne schare en weest nu niet beureest ioan. 14, 6Ghy wort vertroost al door Gods Gheest ioan. 16, 20V droefheyt sal in blijschap vergaen Als uwen Coninck belouet meest De eeuwighe vruechden sullen v beuaen. mat. 10, 28 Luc. 12, 4. En vreest niet die tlichaem dooden op dit termijn Want sy connen v maer een corte pijn Ghedoen, door haren schalcken raet Sy en moghen hier niet langhe zijn In haren hooghen boosen staet. O Broeders en zijt niet flau in uwen moet De droefheyt groot, dat Helsche gloet En moghen v nemmermeer beuaen Als ghy v hout aen Gods woort soet So en can den boosen duyuel niet blijuen staen.

Apo. 21, 2 O Jerusalem ghy schoone blinckende stadt 4. es. 7, 7 Mat. 7, 13 Luc. 13, 22Hoe wonderlijck leyt uwen padt Van doornen en dijstelen quaet Ghy zijt een schoon verborghen schat Voor de ghene die den wech doorgaet. Door menige aenuechtinge en valsche leer Wert ghy bestreden, O Sion teer Maer ghy sult alleen voluoeren den strijt Door Christum den almachtighen Heer Daeromme verwacht op zijnen tijt. Och hoe wonderlijck is des Heeren raet Die in zijn Beloften ghetrouwelijck staet Die en derf hem vreesen van gheenen noot Al soeckt v de werelt opstinaet Godt can v bewaren van haer listicheyt groot. O ghy wtuercoren beminde bruyt Sion V rouwe cleederen die wilt wt doen En salft v hooft met Balsame soet Verchiert v met gherechticheyt coen Want v staet nakende de eewige blijschap goet. O Princelijcke Godt en Coninck groot Leyt ons int leuen door den doot En opent uwe glorie schoon Want ons coemt nu veel teghenstoot Ontfangt ons in uwen eeuwighen Throon.