C Na de wijse: Bekeert v met vlijt // al hier int crijt. MIjns Vaders lant // my onbekant Soeck ick ter hant Vol drucks en vol onvreden Ick lig vermant // in mijn verstant Met sDuyuels bant Van sinnen onbesneden Mijn herteken ontstelt In lijden swelt // ter doot ghequelt Van bouen tot beneden Verdwijnt en helt // mijn vruecht die smelt Als sneeu int velt Vol rous zijn alle mijn leden. Als ick moet staen // op sulcken baen En weet ick niet waer gaen So moet ick hulp begheeren En roepen aen // na Schrifts vermaen Met droeuighen traen 1. tim. 6, 15 apo. 17, 14. ende 19, 16. Christus de Heer der Heeren ioan. 14, 6Hy is de rechte straet Daert al door gaet // vroech ende laet Hy sal ons wel verweeren 1. Joan. 2, 2Als Aduocaet // voor ons misdaet En alle quaet Gheen Duyuel en mach ons deeren. Dus neem ick moet // en keer den voet Stracks totter boet De werelt wil ick steruen Want ick ben vroet // in mijn ghemoet De Heer is goet Hy laet my tlant beeruen Daerom bid ick hem seer Dat hy my teer // in corter leer Ghenade laet verweruen Ick en volch niet meer // gelijc al ick wel eer Des werelts eer
Lieuer tleuen te deruen. Het is nu tijt // ick moet ten strijt Ver ende wijt Dat cruys dat moet ick lijden Na corter tijt // een cleyn respijt Wacht ick iolijt Mijn siele te verblijden Ghenadich Heere mijn Wilt by my zijn // op dit termijn So mach ick beter strijden Laeft my met wijn // O soet aenschijn So mach ick fijn Vechten tot allen tijden.
Cookies on Poetry Cove