C Na de wijse: Van Adelken ende Alewijn. HOort toe ghy Christen al ghemeyn Een liet wt Godes woorden reyn Dat wil ick brenghen in ghesanghen Daer na staet mijn verlanghen. Aenmerckt toch eens des Heeren woort En blijft altijt in goet accoort Wilt v daer inne verblijden In dese bedroefde tijden. Joan. 16, 20 Inder werelt weent een cleyne tijt Maer ghy sult haest werden verblijt Met my sult ghy zijn verheuen Hier na int eeuwighe leuen. Joan. 16, 2. Want de tijt coemt, hoort mijn vermaen Dat ghy wert inden Ban ghedaen Men sal v dooden en berouen En meynen Gode te louen.
mat. 10, 24 Joan. 13, 16 ende 15, 20. De knecht verstaet wel mijn bediet Is bouen zijnen Heere niet Noch de discipele ghepresen Mach bouen den meester niet wesen. mat. 16, 24 mar. 8, 34 Luc. 9, 23. ende 14, 27. Daerom die my nauolghen vry Moeten haer cruyce draghen bly Wt liefden, hoort dit ghewaghen En moghen oock niet versaghen. mat. 5, 12 Luc. 6, 23. Verblijt als v de menschen versmaen Om mijnent wille doen lijden aen Wilt niet bedroeuet wesen So sal v siele ghenesen. Rom. 8, 13 Maer ist dat ghy na den vleesche leeft Als ons dApostel beschreuen heeft Ghy sult eeuwich moeten steruen Ende Godts Rijcke niet beeruen. Vleeschelijck ghesint zijn, is de doot Als Paulus ons vermanet bloot Maer gheestelijck ghesint te zijne En brengt de siel in gheender pijne. Hierom ghy Broeders alle ghemeen Fondeert v op den psa. 118, 22 Esai. 8, 6. ende 28, 16. mat. 21, 42 Luc. 20, 17 Act. 4, 11. Ro. 9, 33. 1. Pet. 2, 7 verworpen steen En vreest torment noch lijden Nu noch tot gheenen tijden. esa. 59, 15 2. tim. 3, 12 Al die Godtsalich wil leuen hier Moeten veruolginghe lijden fier Met water en sweert oft brande Moeten sy doen, haer Offerhande. Die ons dit Liedeken heeft ghestelt Sijn hert tot zijnen Broeders helt Wt liefden wast, dat hijt dede De Heer gheue hem eeuwich vrede.
Cookies on Poetry Cove