C Na de wijse: Babel is nu gheuallen. RIjst wt des doots beswaren Christen Ghemeynte fijn mat. 22, 3.Want sBruydegoms dienaren Nu wtghesonden zijn V ganc begint // om wel ghesint Loopen een goeden loop Den Bruygom wil vergaren Een Christelijcken hoop. Christen hoop minst en meeste Van thuysvaderlijck greyn Ghenoot ter Bruyloft feeste
Sijt ghy lieden certeyn Reyn, van v weert // al wat v deert Beweent der sonden val Matt. 5, 3.En oprecht arm van Gheeste Veruult Tbruygoms ghetal. Wilt ghy van tghetal wesen Ras v te ganghe port Latet licht zijn gheresen Luc. 12, 35. Eph. 6, 14 1. pet. 1, 13.En v lenden opschort Cort, is den tijt // daer ghy in zijt Dus wilten nemen waer 1. pe. 4, 7 ende 5, 8.Waect, bidt, vast, bouen desen Trect so ter feesten naer. Dees Bruylofts feeste reene Heeft de Vader bereet Haest v, groot ende cleene mat. 22, 11. Apo. 19, 8Doet aen sGheests Bruylofts cleet Scheet, na tbehoor // swerelts tresoor mt. 16, 24 mar. 8, 34 Luc. 9, 23.V seluen heel versaect Volcht den Bruygom alleene Jaco. 5, 8Wiens coemste snellijck naect. Tsbruygoms coemste sal naken Onuoorsien metter spoet Mat. 22, 5 Luc. 14, 18En wilt gheen onschult maken Op wijf, ossen, pachtgoet Men moet, den sin // vant aertsch ghewin Aflegghen al gheheel Also machmen gheraken In sBruydegoms prieel. Tlams feeste wtuercoren Niemant eeuwich beerft Dan, elck wiens vleesch al voren Hier in tijden versterft Niet derft, sulck een // de Bruyloft reen Van tLamken onbesmet Maer sulck wedergheboren Is een recht Christen Let. Hier hoort ghy Christen Leden Hoe na sHeeren beuel
Douden rock dient besneden Van al tvleeschich ghequel Apo. 19, 8Tnieuwe habijt // wit als een crijt Moet duechdich zijn verchiert Ter Bruyloft feest in vreden Coemt hy, die also viert. Rom. 6, 6 Oprecht vieren van sonden Wilt met Tbruylofts cleet an Die anders wert beuonden Hem naect deeuwighen ban Dan, salmen laes // sulck Duyuels aes Met onendich dangier mat. 22, 13.Smijten, ghecoort, ghebonden Int pijnlijck Helsche vier. Hierom siet toe in tijden Ghy aertsche wormkens teer Want die dees tijt laet lijden Apo. 10, 6Vint hier naer gheen tijt meer Gods Leer, aencleeft // ontstraffelijck leeft Weest Christum onderdaen So moecht ghy met verblijden Ter Bruylofts feeste gaen. Tot Tlams feeste deuijne Wilt gaen in tijts saisoen Want niet ghenoot te zijne Can niemant onschult doen Tsermoen, van twoort // is nu gehoort Al omme ver en by Wel hem die vanden wijne Smaect, ter Bruyloft Christi. Ter Bruyloft wel ghenegen Trect al die zijn ghenoot Tghemest Calf is gheslegen Apo. 5, 9. ende 13, 8.En Tlammeken ghedoot Groot, wert zijn vruecht // die dan verhuecht By Christum Bruygom ient Wat Cruys men heeft ghedregen Tsal dan al nemen ent. Het Cruys soect niet tontwijcken
Hier van Godt opgheleyt Rom. 8, 18 2. cor. 4, 17Want tis niet te ghelijcken By tBruylofts heerlickheyt Verbeyt by dien // den tijt voorsien Van Godt hooghe vermaert Ter feesten sullen sullen sy blijcken Die zijn van tLamkens aert. Als zaet wt Tlam ghesproten Rom. 6, 4Thoont nu een leuen nieu En segt Babels ghenooten Werelt, vleesch, bloet adieu Die so tgoet saet // en raet en daet Volcht na, en schout oncruyt Apo. 5, 9.Tlam twelck tboeck heeft ontslooten Sal v ontfaen als Bruyt. Sbruydegoms roep seer blijde Sal troostich wesen (dit) mat. 25, 34Coemt ghy Ghebenedijde Svaders Rijcke besit Apo. 19, 8Sneeu wit, tcleet blinct // dat ghy aen brinct Als zijde onbeulect O Bruyt sit aen mijn zijde De Tafel staet ghedect. O Christelijcke sinnen Tvleeschs lust verwinnen leert Ter Bruyloft feeste binnen Wert ghy Bruyt ghecroneert Eert, altijt Godt // en voor een slodt Doet goet v leuen lanck Met al die tLam beminnen Crijcht ghy salich ontfanck.
Cookies on Poetry Cove