C Na de wijse: Na Oostlant wil ick varen. ICk hoore de Basuyne blasen Seer verre hoor ick tgheschal In Jerusalem in Edom basen De boden roepen ouer al Haer gheluyt gaet in mijn versinnen Maeckt v ter Bruyloft ghereet Al die den Coninck beminnen De Poorte is open gaet binnen mat. 22, 11.Verchiert v, doet aen v Bruylofts cleet. O Sion van Godt wtghelesen
Hebt ghy haer stemme niet ghehoort En wilt doch niet onhoorich wesen Maer ontfanghet des Heeren woort Ghy hebt ghenade vercreghen Neemt waer, het wort v gheseyt Ras maeckt v op de weghen apo. 18, 10Eer ghy met Babilon wort versleghen Haest v seere, niet en verbeyt. Eze. 9, 4. Dat teecken Thau is v ghegheuen Dat Ezechiel int neghenste staet Apo. 7, 3.Des Heeren knechten worden beschreuen Die volbrenghen des Heeren Raet O Sion besluyt v verclaerden 4. es. 2, 40V ghetal is schier veruult apo. 12, 16Van die haer leuen niet en spaerden apo. 6, 4 ende 14, 9.Ghecocht zijnse vander Aerden Tlam heeft betaelt voor haer de schult. ge. 35, 21. mich. 4, 8 O Thoren Eder vercoren V Vergulden Roose coemt nu met macht Wilt nu v hooft op boren Dat ghy des Heeren toecoemst verwacht Wat wilt ghy een ander aenhanghen? Oft ghy den Coninck niet crijghen en sout Esa. 26, 17 mich. 4, 9Dat wee heeft v beuanghen Hierom is v also banghe Als een Vrou in baren menichfout. mic. 4, 13. Staet op Sion wapent v leden Maeckt v totten strijde bereet 4. es. 7, 7. mat. 7, 13. Luc. 13, 22Ghy moet den enghen wech in treden Maer eens menschen voetstap breet Ten inganck leyt int verneren Daer ghy v erfdeel sult ontfaen En vreest niet al sydy teere 4. es. 11, *.Voor den Arent met zijnen veeren Hy sal v met zijne clauwen slaen. Apo. 12, 8 De Draeck is comen opter Aerde En is beuanghen met grooten nijt Want de Vrouwe diet Manneken baerde Is hem ontnomen, dus maeckt hy strijt
Om teghen haer zaet te vechten Sijn goets moets en twijfelt niet Onse Leytsman coemt schier om rechten Jude 14.Ordeel houden met zijne knechten Hy salse verlossen wt alle verdriet. Esa. 52, 8. ende 62, 6. O waeckers op Sions tooren My dunckt dat sweert is nu bereyt Laet v Basuyne noch eens hooren Oft in Sion yemant in ruste leyt Dat sy moghen ontwaken Eph. 5, 14Van haren slaep opstaen Dat sy haer onschult niet en maken Als de Heere sal comen ter wraken Hy sal de wederspannighe slaen. O boosen aert ghy en wilt niet hooren Ghy maect v onschult alle ghelijck Eze. 33, 3.De wachters segghent v wel te vooren V naeckt de doot seer iammerlijck Den vrede Godts spreeckt ghy in cluyten Maer tbloet coemt op v hooft De Poortier begint te sluyten Ende ghy sult blijuen daer buyten Want ghy de waerheyt niet en ghelooft. O moordich zaet wat gaet ghy maken? Gen. 4, 8.Gheslacht van Cain, ghy brengt ter doot Des Heeren Schaepkens sonder saken Apo. 18, 6Twort dobbel betaelt in uwen schoot apo. 6, 8.De doot coemt nu te peerde Wy hebben v eynde ghesien Dat sweert gaet ouer de eerde Daer ghy mede ghedoot sult werden De Helle en suldy niet ontulien. apo. 14, 15 De tijt is hier na om te maeyen 4. es. 5, 2 mat. 24, 12De boosheyt heeft de ouerhant Daer en is schier gheen plaetse om saeyen mt. 13, 25Dat oncruyt veruult het Lant De Somer is schier gheleden Ick hoor der Trompetten ghepijp De spotters verachten den vrede
Tis tijt de persse te treden Johe. 3, 13 apo. 14, 15Slaet aen v seyssen den oogst is rijp. Godt sal de voghels een maeltijt bereyden Te Bosra in Edom also ick las apo. 19, 17Van tvleesch der Coningen en Princen beyde Haest v ghy Voghelen, versaet v ras Wilt v van des lantsHeeren vleesch voeden So sy deden, wort haer ghedaen Ghy knechten des Heeren zijt vroom van moede De Vogels werden versaet van haren bloede Dit loon sullen onse roouers ontfaen. apo. 18, 20 Verblijt v nu, en weest in vruechden En speelt op Herpen een nieuwe liet Wilt v in onsen Godt verhueghen Ghy alle die dese wrake siet De Heere coemt om te betalen Te wreken ons alder bloet Sijn gramschap begint te dalen Apo. 15, * ende 16, *.Wy verwachten de laetste schalen mat. 25, 6O ghy bruyt gaet uwen bruydegom te gemoet. esa. 52, 1. Staet op Jerusalem, wilt v bereyden esa. 54, 2Ontfangt v trouwe, aenschout v Rijck Wilt v Tenten wijt wt breyden Ontfangt v kinderen alle ghelijck Vwen Coninck coemt, om v te beurijden Esa. 62, 1.Sijnen loon brengt hy voor hem pleyn sap. 3, 17.Hy sal hem, in v verblijden Loeft hem dies teeuwighen tijden Verblijt v Sion met Jerusalem reyn.
Cookies on Poetry Cove