C Nae de wijse: Ick arm Schaep aen de groen Heyde. WIlt v nu ledich stellen Van al uwe wercken quaet Al wil v vleesch v quellen Ter merckt om wercken gaet In den Wijngaert des Heeren Hy sal v saen // door goet vermaen Tot mat. 20, 4 sinen dienste keeren En wilt v niet veruaren Al wort ghy beclapt, veriaecht Als ghy gaet openbaren Al dat God wel behaecht Maer bidt met neerstichede Dat hy den gloet // der liefden soet Ontsteken wil met vrede. Jaco. 5, 8. Weest lijtsaem niet verwondert Merct hoe Gen. 6, 3 Noe met verdrach Twintich iaer ende hondert Op Gods woort wachte, den dach Neerstich hy laboreerde Aen Darcke snel // door Gods beuel Sap. 10, 4Waer door hy hem salueerde.
Merckt hoe Godt heeft ghehandelt Met Abraham zijnen vrient Hoe dat hy heeft ghewandelt Ende hem oprecht ghedient Gen. 15, 6 Rom. 4, 3 Gala. 3, 6. Jaco. 2, 23Hy gheloofdet woort crachtich Dies onderdaen // was hy tvermaen Van Godt de Heer Almachtich. Isaac zijn soon ghepresen Reysde oock menigen tijt Godt onderdanich wesen Wilde hy sonder respijt Hy sochte beter ruste Dan de werelt gheest // die seer sneeft Hy diende Godt met luste. gen. 47, 8 De Coninck Pharao vraechde Jacob, hoe out moecht ghy zijn? Sijn daghen hy beclaechde Cort en quaet is tleuen mijn Hier doende mijn passage Hondert dertich Jaer // zijn de dagen claer Hier mijnder pelgrimage. Exo. 12, 11 Disraeliten ghemeene Elck met een stock in hen hant Moesten het Paeschlam reene Eten, en trecken na tlant Van beloften, door twilde Cleyn ende groot // soot Godt gheboot exo. 16, 14Hy spijsdese seer milde. Dese en meer figueren In het oude Testament Vermanen tot labueren Om gaen na tbeloefde lant ient Twelck is dat eeuwich leuen Dus lijt ghewelt // zijt ghy ghequelt Godt salt v gheerne gheuen.
Cookies on Poetry Cove