C Na de wijse: Ick dancke v lieue Heere, dat ghy my hebt bewaert. O Heer God ick mach wel claghen Met suchten so menichfalt Dat nu in dese daghen Gheschiet is so groot ghewalt Om uwe woorden O Heere Lijdick so grooten noot En ligghe gheuanghen seere Worde ghedreycht metter doot. Oock hebben sy my ghebonden Gheuoert voor de Ouerheyt Om uwen Naem te vermonden Door v ghenade was ick bereyt
Doen hebben sy my gheuraghet Wat onse Ghelooue weer Ick sprack vry onuertsaghet Dat is na Christus Leer. Op dit ghelooue ben ick ghedoopet Heb ick haer claer bediet mat. 28, 19Als Christus ons ontknoopet Die trouwe Heylant siet In Marco statet gheschreuen In zijn sestiende hoort mar. 16, 15 Act. 2, 33, ende 38. ende 8, 11. ende 36. ende 8, 18. ende 10, 34. ende 47. ende 16, 14. ende 31. ende 33 ende 18, 8. ende 19, 4. ende 22, 16.Den Gheloouighen salment gheuen So leert ons Christus door zijn woort. Van den kinderdoop wilt hooren So vraechden sy my al voort Ick heb daer op ghesproken al voren Ick en vinde dat niet in Gods woort Ten can niet worden bewesen Dat Christus heeft gheleert Dongeloouighen te doopen mits desen Mat. 32, 2 ende 4, 17.Ten sy dat sy van sonden zijn bekeert. Doen vraechden sy my als verstoorde Oft ick sulcx niet woude afgaen Daer op ick haer gaf antwoorde Dat en dient my niet ghedaen Dat ick Gods woort sou laten glijden Ende steruen den eeuwigen doot Ick wil veel lieuer lijden Al waer de pijn noch eens so groot. mat. 26, 25 mar. 14, 22 Luc. 22, 19 1. cor. 11, 22 Dat Nachtmael onses Heeren Heb ick voor haer bekent Als Christus ons ginck leeren Int nieuwe Testament Dat wy daer by sullen ghedencken Sijn lijden en bitteren doot Dat hy ons heeft willen schencken Doen hy zijn Bloet aent cruys vergoot. Doen vraechden sy my allegare Met vele woorden goet Oft Christus niet en ware
Van Maria vleesch en bloet Ick en heb sulcx niet ghelesen Sprack ick voor haer present Hoe sou hy vander aerden wesen Die God de Vader heeft neder ghesent? Mat. 1, 10 Luc. 1, 31. Hy is ontfangen vanden heyligen Geeste Gheboren wt Maria de reyne maecht Sonder beuleckinghe minst oft meeste Der sonden, soot Godt heeft behaecht Esai. 11, 1.Wt den stamme Dauids ghecommen So hy was toeghesacht Aldus zijn Gods Beloften niet om sommen In Christo Jesu al volbracht. Joan. 1, 14. Dat woort is vleesch gheworden puere Als Joannes gheeft te verstaen Luc. 1, 31.Vanden heyligen geest, na de Schriftuere Godes cracht heeftse omuaen Daerom dat heylighe wt haer gheboren Wort Gods Sone ghenaemt Daer door wy die waren verloren 1. pet. 1,18.Verlost zijn, als Petrus heeft gheraemt. Doen deden sy my weder ghewaghen Ende dat na Paulus leer Oft ick van haer Ouerheyt woude sagen Rom. 13, 1Oft die van God gheordineert weer Ja, te beschermen den vromen Heb ick voor haer beleen Den quaden straffen sonder schromen Om haer lant te houden in vreen. Wat hout ghy van de Echte Vraechden sy my also voort Als Christus seyt oprechte Matheus aen zijn negenthiende oort Gen. 2, 24 mat. 19, 4 Mar. 10, 6Een Man en oock een Vrouwe Sullen in de Echte gaen mat. 5, 32 ende 19, 9.En niet weder scheyden de trouwe Ten sy da sy ouerspel hebben ghedaen. Van oproer ende muyterije Hebben sy veel aen my ghesocht
Daer op heb ick ghesproken vrije Wy en hebben dat noyt ghedocht Pro. 25, 21 mat. 5, 44 Luc. 6, 27. Ro. 12, 20.Onse vianden te beminnen Leert Christus in zijn woort Ten sal oock (wilt versinnen) Van ons niet anders worden ghehoort. Doen vraechden sy my, wilt mercken Wie onse Hooftman waer Doen sprack ick om verstercken Dat is 4. es. 16, 76 Christus met zijn leer claer 1. co. 7, 15Die heeft ons gheroepen in vrede De trouwe Heylant goet Daer by hoep ick te blijuen mede En beseghelent met mijn bloet. Die dit Liedeken ginck dichten Jan Schut was zijnen naem Om zijnen naesten te stichten Sant hijt wt tgheuanckenis bequaem Psal. 2, 12. ende 118, 8. Eccli. 2, 6.Datmen op Godes woort sal betrouwen In allen tijt der noot Jer. 17, 5Op gheene menschen bouwen Hy gheeft dat leuen voor den doot.
Cookies on Poetry Cove