C Na de wijse: Du vient cela. IN druck, lijden en groot torment So is de schoone Bruyt Christi gheresen Al die dese liefde bekent Die mach met haer wel truerich wesen Waer dat sy haer keert oft went Sy wandelt in grooter vresen In gheen steden blijft sy ongheschent Hoe mat. 24, 28 soumen van grooter benautheyt lesen? O schoone dochter Israel Hoe zijt ghy dus tot lijden vercoren? Met benautheyt en groot ghequel Als een roose in dijstelen en doren Vwe Bruydegom gheuoelt u smerten wel Esa. 64, 3 Sach. 2, 8Zijt ghetroost, hy sal v seer corts verhooren. Och Broeders en Susters siet Hebt acht op dese Bruyt van waerde De werelt en wil haer ontfanghen niet Sy en vint gheen blijtschap opter Aerde Aen alle canten vint sy verdriet Men bestrijdt haer te vier en te swaerde Och dat alder swaerste dat haer gheschiet Is tvernielen van haren wijngaerde Act. 20, 29Veel dienaers die sy hadde ghestelt Sietmen na boosheyt vlieghen Sy doen haer Broeders groot ghewelt
Met valsche leer gaen sy schandelijc lieghen Ist niet jammer datmen dit vertelt Dat de Christenen haer laten bedrieghen. 2. co. 11, 27 2. cor. 13, 5. Elck beproeue hem minst ende meest Oft hy oock staet in een vast Ghelooue Eendrachtich met eenen vierighen Gheest Op dat hy zijnen Broeder niet en bedroeue Apo. 12, 8 ende 13, 1.Wacht v van dat lasterlijcke Beest Die Gods Ghemeynte gaet beroouen Daer en is noyt listigher gheweest Om den gheloouighen recht te beproeuen Daer wert nu ghepubliceert Ick en macht niet langher verswijghen Al die Godes woort renuncieert Mach wereltsche ghenade vercrijghen Dus wert Gods Bruyt gheuioleert Van Apo. 13, 4 diet Beest dus deerlijck toe nijghen. Staet doch vroom ghy Christelijck graen Die Gen. 7, 7. met Noah in Darcke zijt ghetreden Al die met exo. 14, 22 Moyses zijn door ghegaen Die stantuastich zijn in de woeste steden Al die Nu. 16, 1. Corah met zijn secten wederstaen Die wandelen na Christus zeden Die met Josu. 3, 11. Josua zijn ouer de Jordaen Ghenaecken de landen van vreden Al die dus vromelijck strijdende zijn Sullen dan iubileren Al haer smerten in de woestijn Sullen dan in vruechden verkeeren Dan sult ghy in een mat. 22, 30 Enghelsche schijn By Christum onsen Bruydegom triumpheren. Te rechte is Christus onse Prince ient Onsen Joan. 3, 29. Bruydegom hooch verheuen Een Vorst van zijn Ghemeente pertinent Tot een Joan. 17, 6. Erf van zijnen Vader ghegheuen Joan. 10, * ende 14, *.Sijn schaepkens zijn van hem bekent Die eeuwich met hem sullen leuen Al die hem van desen Bruydegom went Die moet in duysternisse sneuen
Ouerdenckt dit alle ghelijck Op dat ghy moecht domineren Al in des Vaders Rijck By Christum eeuwich regneren Zijn beloften autentijck Sullen den gheloouighen niet faelgeren.
Cookies on Poetry Cove