C Na de wijse: Van de drie Bruggelinghen. psa. 103, 1. ende 104, 1. Tob. 13, 1. ende 10.MIjn siele loeft den Heere Want hy heeft so heerlijck ghedaen Loeft ende prijst hem seere Die v in zijn ghenade heeft ontfaen Die v dede zijn woort verstaen Die v leyde op de rechte baen Tot den eeuwighen leuen aen. Cant. 3, 1. Ick socht hem in duysterheden Die mijn siele so seere bemint Ick en vant hem tot gheender steden Rom. 8, 5Doen ick vleeschelijck was ghesint Als ick was des werelts vrint mat. 15, 14Ende volchde de leyders blint 2. tes. 2, 3.Na den wille van tverloren kint. Och waer sal ick hem gaen soecken Die my so lief heeft ghehadt Ick en vinde hem in gheenen hoecken Van der Babilonischer stadt Want haer Herders zijn droncken en mat Sy verlaten den rechten padt En soecken al des werelts schat. ese. 34, 11 Joan. 10, 11 ende 14. 1. pet. 2, 25 Heb. 13, 20 O ghy hoochste Herder verheuen Bouen alle Herders fijn Wilt my doch te kennen gheuen Waer v wellustighe weyden zijn mat. 9, 12 Mar. 2, 17 Luc. 5, 31. O Hemelsche Medecijn Lauet my met uwen claren wijn
Plant v liefde recht int herte mijn. Tot der Schrift dat ick my keerde Seer verblint was mijn verstant Maer de Gheest Godts die my leerde Die leydde my metter hant Tot in des Vaders Lant Daer ick Christum den Heere vant Een so lieffelijcken Jonghelinck playsant. 4. es. 2, 43 In Esdre vant ick gheschreuen Hoe dat desen Jonghelinck fijn Op Sions berch verheuen Kroonde Dvuytuercoren zijn Doen dacht ick: O soet aenschijn Mocht ick oock deelachtich zijn Dat goet der wtuercoren dijn. Mat. 7, 7. Luc. 11, 9. Soeckt my, ghy sult my vinden Wt dese woorden verstont ick dat ioan. 15, 14Die Godts woort doen, dat zijn zijn vrinden Soo ick las in een ander blat Elders stont van de Apo. 21, 2. heylighe Stadt Sac. 2, 2Die de Enghel metter maten mat Maer dees woorden verstont ick niet plat. Wat stadt mach doch dit wesen Dacht ick menichmael in mijn ghemoet Het is Godts Ghemeynte ghepresen Dit leerde my de Gheest Godts goet Maer sy is ouerdeckt met bloet Door het lijden datmen haer doet Om tghetuychenisse van Christo soet. Cant. 5, 9 O ghy schoonste onder den wijuen Hoe staet ghy hier dus mismaeckt Waerom wiltmen v dus verdrijuen Heb. 12, 14Daer ghy altijt na vrede haeckt Weten sy niet dat die v ghenaeckt Dat hy den Psa. 17, 8. Sac. 2, 8. oochappel gheraeckt Vanden Heere, die v heeft ghemaeckt. Ick heb, sprack sy de schoone Voor de werelt ghetoont de rechte leer Maer de Wachters van Babels Throone
Vonden my ende sloeghen my seer Nochtans swijch ick nemmermeer Te vercondighen den lof en eer Van mijnen Bruydegom Godt ende Heer. Cant. 5, 9. O ghy schoonste onder den vrouwen Hoedanich is doch uwen vrint Och mocht ick hem eens aenschouwen Die mijn siele so seer bemint Doen sprack sy: O lieue kint 1. co. 15, 47Vanden Hemel hemels ghesint Een sodanighen is mijnen vrient. O ghy schoonste onder den vrienden Die my v liefde hebt gheiont Mocht ick v daer buyten vinden En cussen aen uwen mont O Heer maeckt mijn siel ghesont En verlaet my tot gheender stont Want ick begheer v van herten gront. Doen ick hem hadde gheuonden Den Heer der Gheloouighen fijn Doen begheerlick te wesen ontbonden Van alle den valschen schijn Al wat menschen leeringhen zijn Die schoude ick ghelijck fenijn Ende hielt my aen den rechten wijn. Apo. 15, 3 Hoe wonderlijck zijn uwe wercken O Heer almachtighe Godt Wilt my in uwer waerheyt stercken Wapent my door v ghebot psa. 18, 3.Weest my een vaste borcht en slot 1. cor. 4, 9Teghen al der werelt spot Want sy achten v kinderen sot. Godts edel volck ghepresen ioan. 16, 20Is ter werelt in groot gheween Act. 4, 3Veruolcht ter doot verwesen ps. 118, 22 Esai. 8, 6. ende 28, 16. mat. 21, 42 mar. 12, 10 Luc. 20, 17 Act. 4, 11. Ro. 9, 33.Ghelijck den verworpen steen nu. 23, 11.Mijn leuen moet worden ghemeen Met dese lieden een Want het is Godts volck, en anders gheen.
Nu doet na Paulus rade Hy doet ons een schoon vermaen 2. Cor. 6, 1 Heb. 12, 15Dat wy des Heeren ghenade Niet te vergheefs en souden ontfaen Lieue Broeders en wilt v niet verslaen Mat. 5, 18 Luc. 6, 22.Als v alle menschen versmaen Want so hebben sy altijt ghedaen. Het moet doch also wesen Hier op des werelts termijn Dat de quade worden ghepresen En Godts kinders veruolcht moeten zijn Maer O alle gheloouighe fijn Esa. 51, 12 Jere. 1, 8. mat. 10, 28 Luc. 12, 4.Vreest v niet voor druck en pijn Want het sal noch eens beter zijn. Loeft den Heer der Heyrscharen Van zijn groote bermherticheyt Joan. 1, 14 1. Ti. 3, 15.Godt die quam int vleesch hem openbaren Dats een groote verholentheyt ese. 34, 18Sijn schapen heeft hy selue gheweyt So hy hadde toegheseyt psa. 146, 1.Loeft den Heere inder eeuwicheyt.
Cookies on Poetry Cove