C Na de wijse: Alst begint. ICk arm schaep aen de groen heyde Waer sal ick henen gaen Van vrienden en magen moet ick scheyden En alleen op Christum staen Ende my op hem verlaten Alder werelt iolijt // in deser tijt En mach mijn siele niet baten. De Woluen willen my verschueren Na mijn bloet hebben sy ghedorst Maer ten mach haer niet ghebueren Godt de Heere heeft my verlost En gheleyt wt Pharaos handen Dus moet ic saen // als Ge. 12, 4 ende 14, 1. Heb. 11, 8. Abraham heeft gedaen
Gaen dolen in vreemde landen. Sy hebben een schaepken ghegheten Sy en zijn noch niet versaet Dat wert haer nu verweten Daerom zijn sy dus quaet Dat sy my hebben verdreuen Wt mijns Vaders lant // met grooter schant Godt de Heer willet haer vergheuen. Sy hebben hem tleuen ghenomen En oock zijn daghen vercort Op dat al trechtueerdich bloet op haer mach comen mat. 23, 34 Luc. 11, 51Dat van Abel af is ghestort Sy veruullen haers Vaders mate Onder Christus Naem // bedecken sy haer faem Maer ten sal haer al niet baten. Siet aen van Abels tijden Gen. 4, 8.Doen Cains nijdicheyt was groot Moeste de rechtueerdighe lijden 3. re. 19, 10 Mat. 5, 12 Rom. 11, 3De Propheten zijn oock ghedoot mt. 27, * Mar. 15, * Luc. 23, *.En Christus selue mede Sy brenghense ter doot // met nijde groot Twelck Christus noyt en dede. Keert doch van v quade weghen Als Paulus heeft ghedaen Act. 9, 1.Die Brieuen hadde vercreghen Om de Christen te brenghen gheuaen Te Jerusalem binnen der Stede Als hy heeft ghehoort // des Vaders woort Heeft hy om ghenade ghebeden. Ick bidde v ghy edel Heeren Wilt ghy Gods Oordeel ontgaen Dat ghy v doch wilt bekeeren Ende sien wat ghy hebt ghedaen Ghy brant Gods wtuercoren Om seker ghelt // datmen v telt Wilt ghy Gods woort versmoren. Die dit Liedeken dichte Godt de Heer wil hem bystaen Dat hy zijnen naesten stichte
En met Godts woorden doen vermaen Al soude hy tot eenighen tijden Den bitteren doot // met pijne groot Voor de waerheyt moeten lijden.
Cookies on Poetry Cove