C Na de wijse: Ey out grijsaert. GHemerct dat diuersch volck versaemt Onder Luc. 12, 31 tcleyn hoopken Christi verheuen Nochtans die Christenen zijn genaemt En zijn daeromme gheen beseuen Maer aen Abraham ist te kennen ghegheuen Met Sara zijnde inden echten staet En ge. 16, 15. ende 21, 2. Gal. 4, 22 hadde twee sonen, somen vint beschreuen Waer af maer deene was toprechte zaet.
Der deernen sone ghegenereert Ge. 16, 15. Gal. 4, 22Was na den vleesche, ende versmeten Maer die vander vrye ghesuccedeert Mochte hem tzaet der beloften vermeten Dese woorden vol gheestighe secreten. Bedieden wat anders, so Paulus verclaert Als twee Gal. 4, 24 Testamenten, ghelijck wy weten Deen tot knechtschap, dander tot vryheyt baert. Joan.8, 33. De Joden als gheen knechten onvry Beroemden Abrahams zaet oock te zijne Maer Jesus tot haer seyde hier by Waert ghy Abrahams kinders deuijne So sout ghy oock oprecht van mijne Abrahams goede wercken doen Nu soect ghy my te dooden, geueynst van schijne Als zaet, quaet van opinioen. Rom. 9, 6 Niet dat al Israelijten zijn Die van Israel zijn eendrachtich Oock zijnt niet al kinderen fijn Die zijn van Abrahams zade crachtich Maer in Isaac ist zaet waerachtich Dat is, ten zijn niet Gods kinders bekent Kinders Rom. 9, 8 naden vleesche, loos, boos, logenachtich Trecht zaet zijn kinders der beloften ient. Die tonrecht als kinders draghen rom Joannes straft die veruaerlijck En seyt Joan. 1, 11 hy quam in zijn eyghendom Niet ontfinghen hem de zijne claerlijck Maer so veel als hem ontfingen eerbaerlijck Te werden Ro. 8, 15 Gal. 3, 26. 2. Pet. 1, 4 1. Joan. 3, 1. Gods kinderen, gaf hy die macht Die niet wt vleesch, bloet noch mans wil zijn waerlijck Maer Joan. 1, 13 van God geboren, door sheylichs geests Gods kinderen zijnt, door Gal. 5, 22 sgeests virtuyt Die tvleesch cruycen van vre tot vre Den Col. 3, 9. ouden Adam treckende vuyt Aendoen Christum, Gal. 5, 6. ende 6, 17. Colos. 3, 1. nieuwe creatuere Hem Eph. 5, 1 Phil. 2, 5. 1. pet. 2, 21. nauolghende int soet, int suere Als doode in sonden, gheestich opghestaen
Alle die wt liefden, zijn goet van labuere Sullen (als rechte kinders) loon ontfaen. Kinders na Isaac gebenedijt Tbeloofde lant, sal henlien ghenaken Maer gen. 27, 41 Gal. 4, 29 tvleeschelijck sal altijt strijt Tegen de gheestighe kinders hier maken Want des gheests keest sy niet en smaken Maer blijuen doot vleeschelijck ghesint Elc sie wel toe dat hy door tvleeschs ontschaken Met Ismael niet dolinghe ghewint. De Ismaelijtsche compaengie Draecht wel Joan. 8, 33. roem Abrahams zaet te wesen Maer aenmerckende haer Orie Van bastaerdie, is die gheresen Door Agars vleesch, dienstdeerne mispresen Diemen Gen. 21, 10 Gal. 4, 30 met haer sone wtstooten sach Dus den bastaert, so wy schriftuerlijcke lesen Svaders erfdeel niet beeruen en mach. Een bastaert na den vleesche eruen tgoet Math niet, van zijnen vader al voren Daerom vleesch, bloet, oock versteruen moet Van Gods kinderen wtuercoren Wt Joan. 3, 5. Titu. 3, 5. water en gheest dienen sy herboren Somen claerlijck onuerholen schrijft Godt den gheestelijcken Abraham gesworen. Hier mede vriendekens beuolen, blijft.
Cookies on Poetry Cove