C Een ander. O Godt hoe ydel zijn alle menschen Maer voor hem die den Heere betrout Geen meerder salicheyt en canmen wenschen Dan tlicht zijns aenschijns, dwelc niet en flout Als ghy menschen misdaden aenschout Met straffinghe wilt ghy hem castijen Wel hem die inden Heer can verblijen. Apo. 1, 18 Ghy hebt den sluetel des leuens en des doots Ghy muecht ons alleen maken salich Ghy zijt ons stercte inden tijt des noots Die op v betrouwen, en zijt ghy niet falich Maer v goetheyt wil ick zijn verhalich V gramschap duert eenen cleynen tijt V goetheyt is eeuwich sonder respijt. Al doode my God, seyt Job al voren Noch sal ick altijts hopen in hem Sap. 3, 5. Eccli. 2, 5.Hy proeft het Ghelooue zijnder wtuercoren Door lijtsaemheyt maect hy de zijne tem Salich zijnse die stantuastighe, ick seker ben mat. 10, 22 ende 24, 23. mar. 13, 13Ende die stantuastich blijuen tot inden ent Wiens betrouwen op God den Heere is ghewent. Ghy lijtsamige weest sonder smerten Betrout op God sonder afgaen psa. 34, 19 ende 51, 19.Want hy is by den bedructen van herten So de Psalmiste doet vermaen esa. 49, 15Al liet een moeder haer kint seer saen God en sal v niet laten int ghepijn Inden dach des drucx sult ghy geholpen zijn. Wat ghy begheert van God almachtich Ghelooft, ende het wort v ghegheuen ioan. 16, 10.Hy sal veranderen v tranen clachtich In blijschap, dus zijt vry van sneuen Laet v herte tot God zijn verheuen
Loeft ende danckt den Heere in uwen Gheest mat. 10, 28En voor de menschen v niet en vreest. Princelijcke Godt, ick arm gheuanghen Typer in banden hert ende stijf Met Manasse roep ick, boet mijn verlangen Mana. 12.Vergheeft O Godt mijn sondich bedrijf psa. 51, 7In sonden van Moeder ontfinck ick dlijf luc. 18, 13Ghenade roep ick met den Publicaen Och Godt wilt my in staden staen.
Cookies on Poetry Cove