C Na de wijse: Ons Coninck die was blijde, als hy te Houe quam. O Heere Godt almachtich O lieue Vader mijn Sterct my, en maect my crachtich Al inder liefden dijn Wilt my uwen Gheest gheuen Hier in dit wilt Foreest Op dat ick in dit leuen Wederstae alle tempeest. O Christen campioenen Maeckt v ten strijt bereet Den strijt is in saysoene Doet aen v wapen eleet 4. esd. 7, 7 Mat. 7, 13 Luc. 13, 12.Wilt door de poorte te dringen Wilt ghy int leuen gaen De liefde moet al volbringhen Al na des Schrifts vermaen. Joan. 10, 11 Een goet Herder verheuen Is ons Heer Christus fijn Hy heeft ghelaten tleuen Al voor de Schaepkens zijn De selue roept hy by namen En sy volghen hem naer Hy en laetse niet beschamen Maer hy bewaertse eenpaer. 4. esd. 7, 8 Mat. 7, 13 Luc. 13, 22.De Wech die is seer nauwe Al tot des Hemels stadt En wilt niet worden flauwe Gaet toch den rechten padt Al die desen padt betreden Die gheeft hy goeden moet Al werden sy bestreden
Door zijn Beloften soet. Mat. 7, 13 De Wech die is seer breet Die totter Hellen leyt Om gaen is hy ghereet Het wert noch seer beschreyt Sy gaen hem wel met rusten Dit is ons wel bekent Sy leuen in wellusten Sy en dencken niet om het ent. mat. 20, 16 ende 22, 14. Daer isser veel, wilt hooren Die daer gheroepen zijn Maer weynich wtuercoren Ghelooft de woorden mijn Al die daer zijt gheroepen 1. cor. 7, 20Neemt uwen roep toch waer En maeckt v niet te soecken Al vallet v wat swaer. mat. 16, 6. mar. 8, 15. Luc. 12, 1. O mensch wilt v wachten Van den deessem der Phariseen Al van de boose gheslachten mat. 24, 4 1. cor. 6, 10 Ephe. 5, 6 2. Tes. 2, 3.En laet v niet verleen mt. 15, 14 Luc. 6, 39.Als de blende leyt den blenden O vrienden hier op acht Waer sy haer keeren oft wenden Sy vallen bey inden gracht. mt. 23, 12. Luc. 11, 52. Wee v ghy ypocrijten Ghy sluyt den Hemel saen De sulcke wilt ghy verbijten Die daer inne willen gaen Ghy omloopt landen en straten Soot blijckt in desen tijt Om een Jode te maken Veer argher dan ghy zijt. Mat. 5, 3. Luc. 6, 20. Die arm zijn van gheeste Die sullen salich zijn Wacht v van die quaey Beeste Haer leeringhe is al fenijn Om dat wijse niet en volghen Is sy op ons verwoet
Sy is so seer verbolghen Op darm onnoosel bloet. Want die Gods woort beleuen O vrienden siet wel toe Werden van haer verdreuen Sy en werden gheensins moe Maer sullent noch betrueren Den eeuwigen langen tijt Siet toe voor sulck besueren Bekeert v nu met vlijt. Hoe seer ist dat wy rasen Met haer leeringhe vals Met haer zijn wy al dwasen Sy brengen ons om den hals Maer tstaet also voorsproken Van God seer triumphant Het wert noch wel ghewroken Door zijn machtighe hant. En laet ons niet bedroeuen Alst na ons niet en mach gaen Want God die wilt ons proeuen Oft wy worden verknesen Proeft hy zijn kinderen soet psa. 66, 10 Pro. 17, 3. Sac. 13, 9. Sapi. 3, 3. Eccli. 2, 5. 4. es. 16, 74 1. Pet. 1, 7Ghelijck tgout geproeft moet wesen Met allen tegenspoet. Laet ons toch niet versaghen Als wy beproeuet zijn Pacientelijcken dragen Druck, lijden ende pijn God sal ons wel verschoonen In onsen noot bystaen Seer mildelijcken sap. 5, 17. 4. es. 2, 43 2. tim. 4, 8 1. pet. 5, 4. Jaco. 1, 12. Apo. 2, 10. croonen Al na zijns woorts vermaen. mat. 20, 6 Al is de clock elf vren Dat ghy hier ledich zijt Ten wijngaert laet v stueren Neerstich werckende met vlijt Ghy sult wel betalet wesen
Hoort na Christus vermaen Werckt seer ghy wert ghepresen Goet loon sult ghy ontfaen. Mat. 7, 6. Voor de honden en wilt niet werpen Theylichdom excellent De Perlen voor de vercken Dat ghy niet en wert gheschent Seer licht sy haer verstooren Eph. 4, 29Maer spreect daert is bequaem En al diet gheerne hooren So ist Godt aengenaem. mat. 25, 16 Luc. 19, 16 Tgheen dat ghy hebt ontfangen Dat in de woecker lecht Oft v naect een verstrangen Ghelijck den boosen knecht Diet groef al in der eerden Dus quam hy int ghepijn En in grooter onweerden Al van den meester zijn. O God van Hemelrijcke Ghy die mijn hulper zijt En slaet my toch gheen swijcke Nu noch tot gheender tijt Gheeft dat ick vroom mach strijen Al met v woorden vroet mat. 10, 32 Luc. 12, 8.En uwen Naem belijen Ghy zijt diet gheuen moet. O stercke God van weerden Eeuwich ghebenedijt Wilt mijnen gheest aenueerden Tot mijnder laetster tijt Als ick sal moeten vechten Wilt my toch dan bystaen Teghen Antechrists knechten Die teghen de waerheyt staen. Wilt Heere ghenade gheuen V arm swack instrument Dat hy v woort beleuen Mach, tot int laetste ent
Die zijn in handen, in banden Om uwen Name soet Bewaertse Heer voor schanden En houtse vroom ghemoet. Hier me so wil ickt laten Dit gheestelijck Liedekijn O Heer coemt my te baten Weest mijnen Leytsman fijn Waer dat ick gae oft keere Wilt altijt by my zijn V lof wil ick vermeeren Alle de daghen mijn. O Prince God vol vreden Die v volck salich maeckt Door v Ghenadicheden Doch Heere met my waeckt Laet my toch also leuen In desen corten tijt Op dat ghy moecht gheuen V eeuwich vruechden Rijck.
Cookies on Poetry Cove