C Nae de wijse: Ghy die niet meer int vleesch en zijt. GHeeft lof en prijs te samen al Hier in dit aertsche dal Oudt, ionck, groot ende smal Den Heere goet verheuen 1. cor. 13, 8.Sijn liefde soet sonder getal Die eeuwich dueren sal Beurijt ons van misual Hy is vriendelijck beseuen Dies wert hem toe gheseyt Leu. 19, 2 Esai. 6, 3. Apo. 4, 6Eere en dancbaerheyt Want Israel vercoren Heeft hy trouwe toe ghesworen. psa. 115, 1 Niet ons Heere ghebenedijt Maer ioan. 19, 24 ghy in alder tijt
De eere weerdich zijt Voor uwen Name deuijne Psa. 22, 30 Esa. 45, 23 Ro. 14, 11 phili. 2, 10.Buyghen alle knien breet ende wijt Hier in dit aertsche berijt Waer datmen v belijt Inden Hemel tallen termijne ps. 42, 4 ende 79, 10. ende 115, 2.Waeromme sullen dan Segghen tsy wijf oft man Waer is dan Godt gheuaren Die henlieden can bewaren? Maer onse psal. 115, 3. Mat. 6, 9. Godt die is present Inden Hemel excellent Daer heeft hy tregiment Onder Daerde en oock daer bouen Thoont hy zijn gracy sonder ent Hy maect hem wel bekent Nae zijn belieuen ient Dies moet hem elcken wel louen Maer 4. re. 19, 17 psal. 115, 4. ander goden zijn Van gout en siluer fijn, ps. 135, 16 esa. 44, 9. ende 46, 4. Jere. 10, 3. Sap. 13, 11 ende 14, 8. Bar. 6, 3.Ghemaect van smenschen handen Ghestelt vast met stercke banden. Sy hebben monden wijt ghesplet Al gapende gheset Maer lacen niet te bet En connen sy daerom ghespreken Sy hebben ooghen fraey en net Seer schoone gheblancket Al waren sy besmet Sy en moghen haer niet ghewreken Noch gheweren by dien Want sy al niet en sien Sy staen als stomme gasten psa. 115, 7Met handen al sonder tasten. Sy hebben ooren breet ende groot Al staen sy naect en bloot Ghelijck een mensche doot Sy en connen niet ghehooren Sy hebbben nuesen wit en root
Sy nutten dranck noch broot Al dedet grooten noot Sy riecken achter noch vooren Tot haerder keien vuyt En coemt oock gheen gheluyt Al hebben sy voeten om treden Sy en wandelen noch stap noch schreden. psa. 115, 8. ende 135, 18. esa. 44, 9 ende 13, . ende 54, 16. Jer. 51, 17 Sapien. 13, 10. *. Die sulcke Goden maken voorwaer Die sullen oock eenpaer Worden ghelijck van haer Ende die daer op betrouwen Maer Israel, hoort ghy hier naer Hoept op den Heer eerbaer Dat Goddelijcke Pijlaer Het en sal v niet berouwen Van Aarons huys playsant Is hy een onderstant Een Hulper groot ghepresen Eenen Beschermer wt ghelesen. Die vreest den Heere delicaet En schout den valschen raet Van Babilon seer quaet Den dienst van allen Afgoden Godt wert zijn hulpe en toeuerlaet Eenen Schilt die vroom staet En nemmermeer vergaet Die leuet na zijn gheboden Die Godt en niemant el Met goet betrouwen wel Aenroepen tallen tijden Godt die salse ghebenedijden.
Cookies on Poetry Cove