C Na de wijse: In een prieel vol rieckende Roosen. MOyses seer vierich in alle zijn wesen Is opgheresen // seer strange gegaen exo. 19, 20.Tot Sinai den Berch ghepresen Also wy lesen // na sHeeren vermaen Exo. 20, 1. ende 34, 39.De tien geboden heeft hy van Godt ontfaen Daer stont in geschreuen // hoe dat wy souden leuen Na Gods beuel, en Schriftuerlijck beraen. Laet ons met sanghe nu gaen verblijden Op alle zijden // ghy volck van Israel Aaron die heeft in desen tijden Om ons beurijden // geblust ons groot gequel Exo. 32, 4 ps. 106, 19. Act. 7, 41.Hy heeft een Calf gegoten, door ons beuel Een Godt der goden // elck wert nu geboden Eere te doen met sanghe en met spel. Leuende kinders niet om bedwinghen Laet ons nu singhen // gheestich triumphant Desen nieuwen Godt, die wy hier bringhen Daer wi om springen // met vruechden so playsant Exo. 32, 4. 3. re. 12, 28. 2. esd. 9, 18Hy heeft ons gebrocht al wt Egipten lant Als wijt beseffen // moeten wy verheffen Ons gulden Calf, als costelijcken pant. Moyses ons voocht is achter bleuen En heeft begheuen // zijn kinders al gemeyn
Wie weet bescheet oft hy mach leuen Hy laet ons sneuen // al sonder Capiteyn Dies wy een dierbaer beelde van goude reyn Seer exalteren // als Godt adoreren Bouen alle goden, die al in des werelts pleyn. Dit Princelijck Calf moet ons behaghen Dat wy hier draghen // op onsen pilaer Om dat wy Moyses niet en saghen In veertich dagen // het viel ons veel te swaer Exo. 32, 5.Dus willent wy gaen setten op eenen outaer Dat elc met brande // sal doen zijn offerhande Dit gulden Calf met schoonen lichte claer. Godt is een kender van alle saken Met snelder spraken // vraechde hy Moyses bloot Deu. 9, 14Laet my v volck brenghen ter wraken nu. 14, 12.Ick sal v maken // een regeerder groot Een Calf hebben sy gegoten van goude root My ter oneeren // Exo. 32, 7 Deu. 9, 12. ghy moet haest af keeren Tis een misdaet bouen alle sonden snoot. Godt scheen doen gram, in dit verclaren Doen ginc hem baren // Moyses metter spoet Heere ghy moet mijn volck noch sparen Sonder beswaren // dus tempert uwen moet Sy sullen my beschamen ist dat ghijt doet Ist so gheschepen // wilt my wtstrepen Wt den Boeck des leuens, duncket v goet? Als Moyses langhe hadde ghebeden God was te vreden // Moyses doen vertrack Comende daer den Berch beneden Die quade zeden // hem ter herten stack Om dat sy Tcalf aenbeden, den beestelijcken sack Trefuys van beelden // sy dansten, sy speelden Hy werp zijn Steenen Tafel datse brack. exo. 32, 19. Moyses seer grammich van dien dangiere deu. 9, 21Dat Calf seer diere // dat werp hy inden brant Hy stroyde tpuluer menighertiere Inde Riuiere // lancx henen den cant Elc moeste puluer drincken, na zijn verstant Dranck van ellenden // met grooter amenden
Om dat hyse Tcalf aenbedende vant. Prince van Leui wt dien gheslachte Seer groot van machte // die Gods kinders zijt Ghy sloecht doen met voorsienich ghedachte Door Moyses clachte // na Bybels belijt exo. 32, 28.Drie duysent menschen bleuen daer doot subijt Twert al versleghen // dat Leui quam tegen Dat gulden Calf was cause vanden strijt.
Cookies on Poetry Cove