C Een ander. ONtwaeckt ghy Herders van Israel Die inden Heer v verblijt V schaepkens weyt na Godts beuel Wt rechter liefden met iolijt In gherechticheyt regeertse wel Beschermtse voor discoort en nijt Op dat geen schaepkens en blijuen verloren Door v onachtsaemheyt verblent Want Godt salt eyschen, hy heuet gesworen Van uwer hant seer pertinent. Wilt v Schaepkens niet beswaren Maer bewaren voor alle verdriet Eyghen baet laet ymmers varen Ese. 34, 3En cleet v met haer wolle niet ioan. 10, 8Want het zijn Dieuen en Moordenaren So Johannes ons claer bediet Maer als goey Herders waecht v leuen V siele voor v Schaepkens stelt En wilt niet als den Huerlinck beuen Die voor de Woluen vliet int velt. Als de Wolf aen allen hoecken Sijn stricken spreyt met veel gheschals Wilt v dan met Godts woort vercloecken Te strijen teghen de leeringhe vals mat. 18, 12 Luc. 15, 4Tverloren schaepken wilt neerstich soecken Nemet vlijtich op uwen hals En brenghet ter rechter koyen binnen Joan. 10, 11Als Christus onse Herder minioot Die voor zijn Schaepkens (wt minnen)
mat. 27, *.Ghestreden heeft tot inden doot. Christus is de Herder vailliant Sijn siele hy voor zijn Schaepkens set Hy heeft ghebonden der liefden bant Doen wy met sonden waren besmet Gen. 3, 15.Tserpent verwonnen met zijnder hant Dat hy hadde bracht in tsviants net Joan. 15, 1.Hy is de Wijnstock, wy de rancken Hy is de rechte Olijfboom soet 1. Tim. 2, 5Een Middelaer is hy voor de crancken ioan. 14, 6.De wech, de waerheyt, het leuen goet. Ghy Princelijcke Schaepkens reyn Sijt oock niet rebel, maer met accoort Bemint v Herders in tswerelts pleyn Die v leeren trechte Gods woort Gheeft hen ghehoor, tsy groot oft cleyn Int goet, maer alle quaet versmoort Hier met oorlof, en wilt ten besten keeren Ons simpel verstant, en cleyn vermaen Godt wil zijn gracy in ons vermeeren Dat wy Ghenade moghen ontfaen.
Cookies on Poetry Cove