Veelderhande liedekens, gemaect uut den Ouden ende Nieuwen Testamente

C Na de wijse: Alst begint. ICk arm schaep aen der heyden Wat sal ick nu aengaen De werelt soeckt my te verleyden En my te brenghen gheuaen Al in haer valsche leere Dus bid ick seer // sterckt my O Heer Dat ick my van haer keere. Mijn vleesch dat gaet hem stellen Tot doen dat niet behoort De viant coemt my quellen Want hy de waerheyt versmoort Met sonden ben ick beladen Tot v O Heer // so roep ick seer Mat. 6, 13 Luc. 11, 4.Verlost my vanden quaden. O Heer wilt my behoeden Voor dit boose gheslacht Esa. 59, 5.Die der Slanghen eyeren broeden

2. pet. 2, 18Sy spreken seer onbedacht Want sy haer veel vermeten O Heer helpt my // in desen ty Wilt my toch niet vergheten. Dus wilt my ghenade gheuen O Heer ghebenedijt Dat ick na v woort mach leuen En verlaten des werelts iolijt 1. Pet. 2, 21Dat ick v na mach treden V paden goet // al metter spoet Met v Gheest wilt my cleeden. Psal. 7, 1. ende 25, 20. ende 31, 2. ende 71, 1. Op v staet al mijn betrouwen O God van Hemelrijck Gheeft dat icket mach behouwen En niet weder en val int slijck Wilt my v ghenade schincken Dat ick nu voort // mach leuen na dwoort Al souden my de menschen crincken. O Heer wilt in my storten V gracy menichfout Want Heer mijn daghen die corten Seynt my v Gheest seer stout Dat ick v mach belijden Voor de menschen quaet // Heer my bystaet Laet my met v verblijden. Act. 7, 60 En wiltet haer vergheuen Dat bid ick Heer met vlijt Die v schaepkens benemen tleuen En dooden sonder respijt Och mochten sy haer bekeeren En deden saen // na v vermaen So mocht haer vruecht vermeeren. Ps. 147, 1 ende 148, 2. Loeft hem ghy Christen scharen Loeft Godt inder eeuwicheyt Die zijn soon liet openbaren Sijn lof voor de menschen verbreyt Hy heeft ons nu wtuercoren Apoc. 1, 5. ende 5, 9.Ghewasschen reyn // met zijn bloet certeyn Eerst waren wy al verloren.

Die dit Liedeken dichte Hy was noch ongheleert O Godt wilt hem doch stichten Dat v lof mach worden vermeert O Heer helpt hem doch strijden mat. 10, 22 ende 24, 13. mar. 13, 13.Tot in het ent // in dit ellent Wilt hem met vruechden verblijden.