C Na de wijse: In Oostlant wil ick varen.
LAet ons den Heere gaen louen Ghy vrienden groot ende cleyn Colos. 1, 3.En dancken den Heer van hier bouen Want hy heeft ons al ghemeyn Veel ghenaden ghegheuen Ephe. 2, 1.Doen wy laghen in sonden doot Die heeft hy wtghewreuen Om dat wy met hem souden leuen Bedenct doch dese liefde groot. Lof Gene. 1, *. Apo. 4, 11 Schepper van alle dinghen Lof 1. ti. 6, 15. apo. 17, 14 ende 19, 16. Heere der Heeren claer Gheeft dat ick mach spreken en singhen Vwen lof altijts eenpaer Want onder uwe vlercken Neem ick mijn toeulucht alleyn In liefden wilt my stercken Dat ick doe der liefden wercken Psa. 51, 12Schept in my een herte reyn. apo. 5, 12 Lof, danck, prijs en eere Moet v zijn tot alder tijt Mijn Godt, mijn Coninck, mijn Heere Van eeuwicheyt ghebenedijt Hoe soudick wtghespreken V groote goetheyt excellent? Die ghy my hebt laten weten Hooch bouen alle Propheten Een ghenadich Godt bekent. Lof Alderhoochste verheuen Lof machtich Heer ouer al Ghenade heb ick beseuen Seer groot sonder ghetal Ghy zijt een Heer van weerden Deu. 4, 35 ende 6, 4. ende 32, 39. esa. 45, 21. Joan. 17, 3 1. Cor. 8, 4Sonder v en isser gheen Godt In Hemel noch op eerden Gheeft cracht dat ick mach volherden Te wandelen in v ghebot. Lof Hemels Vader Almachtich Lof Godt der Heeren Heer Want ghy zijt mijns ghedachtich
V arme cranck hantwerck teer Ick heb ghenade vercreghen Dies danck ick v menichfout Bewaert my op uwe weghen Veel zijnder die my staen teghen Wel die v van herten betrout. Lof van v eeuwighe goetheyt Lof mijn Godt, mijn toeuerlaet Geeft my wijsheyt en cloecheyt Neemt van my wech alle quaet End wilt my voort bewaren Van alle mijn wederparty Ja van alle boose scharen Hoe dat sy haer ghebaren Met veruolch en met kettery. Ick moet v louen en dancken Danck, prijs v alleene behoort Joan. 15, 2Ick de minste van uwe rancken Suyuert my na v heylich woort Dat ick v mach by blijuen Eph. 5, 2.Wandelen in liefden accoort Al soumen my ontlijuen Gheeft dat ick so mach beclijuen Dat ick breng veel goe vruchten voort. Lof hoochste Godt van hier bouen Lof moet v altoos zijn Met rechte machmen v louen Al vander ghenaden dijn Die ghy nu hebt ghegheuen Die v lief hebben aldermeest Die begheeren sonder sneuen Na uwen wille te leuen End versaken de leering van tbeest. Apo. 5, 12Lof hoochste Gods Soon ghepresen Lof, danck, prijs moet v gheschien act. 20, 28 Ephe. 1, 7 Col. 1, 14. 1. pet. 1, 19Door v ben ick ghenesen Dies danck ick v tallen tien Want ghy met uwen bloede Hebt my verlost wt Sduyuels ghewelt
Al draech ick een weynich de roede Ick neemt van v al int goede Ick hoep met v te houden tvelt. Lof eeuwighen Joan. 10, 11 Herder der schapen Lof Sone, lof Joan. 1, 29 Goddelijck Lam Bewaert ons wt des Wolfs betrapen Hy is verstoort ende gram V schaepkens gaet hy stroopen Tis eenen bloetgierigen hont Die hem niet en ontloopen Bedriecht hy by groote hoopen Met zijnen luegenachtigen mont. Lof 1. Pet. 5, 4 Heb. 13, 20 opperste Herder verheuen Bewaert v schaepkens, aen elcken cant Sy werden alom verdreuen Wilt haer doen onderstant In Landen en in Steden Moeten sy veruolging lien Nerghens en zijn sy met vreden En sy werden alom bestreden Van de Bocken diese benien. Ick danck v vroech en spade Met suchten met claghen Heer En neemt toch uwe ghenade Niet van my nemmermeer Ontfermt my broos en teere Want ick swack ende cranck bin Ick bid v van herten seere Sterckt my met uwer leere heb. 10, 16.Plant v Wet in mijn hert en sin. Lof Prince van Hemelrijcke Lof alderhoochste reghent Lof eeuwich woort autentijcke Lof ps. 118, 22 Esai. 8, 6. ende 28, 16. mat. 21, 42 mar. 12, 10 Luc. 20, 17 Act. 4, 11. Steen, lof 1. cor. 3, 11 Fondament Lof moet v tallen tijden Sijn van v ghenade groot Sterckt my in druck en lijden Op dat ick vroom mach strijden Voor de waerheyt tot inde doot.
Cookies on Poetry Cove