C Na de wijse: Een prieel vol rieckende roosen. Oft: Moyses seer vierich, &c. LAet ons met sange, nu gaen verblijden Den Heere belijden // ghy volc van Israel Hoort mijn geboden, seit God, tallen tijden
Ic sal v beurijden // ic ben v Godt en niemant el En soeckt gheen ander goden, ick segt v wel Exo. 20, 3.Alle ander goden // die heb ick v verboden Eere te doen met sanghe oft met spel. Israelsche kinders // wilt my aenbeden En v besteden // in mijn ghebot vailliant Eph. 1, 22. ende 4, 15. ende 5, 23.Ick en v Hooft, ghy zijt mijn leden Leeft met vreden // mijn volck seer playsant exo. 14, 29Ick heb v ghebrocht al wt Egipten lant Cont ghijt beseffen / ghy sout my verheffen Bouen alle Goden, oft costelijcken pant. Dits mijn gebot, wilt hier na vierich haken Bouen alle saken // gelooft de woorden mijn Exo. 20, 4 Deu. 4, 16 ende 27, 15.Ghy en sult geen vreemde goden maken Om voor v te waken // ben ick de Heere dijn Paulus seyt Eph. 5, 5 Colos. 3, 5. dat al Afgodendienaers zijn Die de werelt aenhangen // met giericheyt beuangen Schout alsulc verstrangen // gelijc ghi sout fenijn. De werelt met haer wellustigen aenschouwen En die op haer betrouwen // sullen als stof vergaen Ghelijck sy quamen, Nu. 25, 9. in sdoots benouwen Die met Madians vrouwen // tegen my hebben misdaen Dus op mijn woort alleen wilt staen Voor druck en lijden // wil ick v beurijden En met v strijden, houdt ghy mijn vermaen. Deu. 32, 6. Jere. 31, 9. Mal. 1, 6. Ick ben v vader, ghy moet by my leuen Hoe sou ic v begeuen // mijn kinders al gemeyn Wie in my ghelooft, hy en sal niet sneuen Ick sal hem gheuen // mijn Rijcke certeyn En sal wercken door tghelooue reyn My eere bewijsen // ick sal hem prijsen By mijnen Vader, in des Hemels pleyn. 1. cor. 10, 4. Ic ben de steen, daer ghy al wt moet drincken ioan. 14, 26 ende 15,26. ende 16, 7.Ic wil v schincken // wt liefden mijnen geest Om dat ghy sout mijns Naems eewich gedincken Niemant mach v crincken // smaect mijnder woorden keest mt. 10, 19 Luc. 12, 11. ende 21, 13.Hoe ghi sult spreken, weest doch niet beureest
Alsmen v sal stieren // voor Coninghen ende Princieren Ick sal v mont regieren // om tantwoorden minst en meest. Ick ben een Prince, wilt my behaghen mat. 10, 28 Luc. 12, 4.En wilt niet versaghen // en hebt geenen vaer Ghy moet mijn cruyce helpen draghen In alle laghen // al vallet v dicwils swaer Al v lijden dat gaet my also naer Sach. 2, 8Als den appel mijnder oogen // dus willet al gedoogen Ghi sult aenscouwen, mijn lieflic aenschijn claer.
Cookies on Poetry Cove