C Na de wijse: Salich is de man en goet gheheeten. MErckt wel wat God doet openbaren Door Jeremiam excellent Den huyse Jacobs, en verclaren In Juda door zijn preken ient. Jere. 5, 20 Hoort toe ghy dul volck onuerstandich
Esa. 6, 10. Esec. 12, 2. mat. 13, 15. mar. 4, 12. Luc. 8, 10. Act. 28, 26 Rom. 11, 8Die ooghen hebt en niet en siet Jer. 5, 21. Wilt ghy v voor my niet verschricken Spreeckt Godt de Heere, noch ontsien iob 26, 10 ende 28, 26. Pro. 8, 29My, die de zee wel can beschicken Een oeuer, dien sy niet can lien. Ende al ist dat hare baren Door den storm bedrijuen ghewelt Nochtans mach sy niet ouernaren De mate die haer is ghestelt. Jer. 5, 22 Maer een onghehoorsamich herte Heeft dit volck, en afuallich me En blijft afuallich quaet van perte Gaende altijts voort na haer ze. Niet eens dit volck int herte dincket Laet ons doch vreesen Godt seer goet Die ons vroech ende spade schincket Ter rechter tijt den reghen soet. Gen. 8, 23. Jere. 5, 23. En den oogst trouwelijck bewaret Die hy ons alle iare gheeft Maer met boosheyt ghy v beswaret En v sonden doen dat ghy sneeft. Aba. 1, 15. Onder mijn volck zijn boose menschen Die de lieden stellende zijn Stricken, om vanghen na haer wenschen En om te brenghen in ghepijn. Ende ghelijck dat een slachnette Dat vol gheuanghen voghels is So is veruult, elck hier op lette Haer huys met roof, dits toch ghewis. En door dat sy hebben vercreghen Met bedroch ende boeuerien Daer af zijn sy machtich bedeghen Rijck en vet na swerelts aensien. Sy gaen met boose schalcheyt omme Sy en ghebruycken oock gheen recht Esa. 1, 23 Jere. 5, 26. Esec. 22, 7Weesen recht keeren sy int cromme Des armen wort neder ghelecht.
Jere. 9, 9. Soude ick dese niet besoecken Spreeckt de Heere ghebenedijt En my wreken in allen hoecken Aen sulck een volck, als dit vol spijt. Esa. 24, 4 ende 33, 9. Jere. 5, 28. Het staet grouwelijck inden lande Ende veruaerlijck daer toe De valsche Propheten vol schande Leeren lueghens met stouten moe. Jere. 5, 29 ende 8, 7. En de Priesters met neersticheden Heerschen in haer officy blent Mijn volck is daer wel me te vreden Wat sal daer af comen int ent.
Cookies on Poetry Cove