C Na de wijse: Adam ons vader wel, hadde twee sonen goet. MEenenaers 1. Pet. 5, 6 v vercleent Onder Gods hant deuijn Ghy hebt langhe ghemeent Met Gods volck salich zijn Maer (laes) het meenen dijn
Is Goddeloos oncrachtich Voor tGodtlijck aenschijn Ydel en lueghenachtich Met sulck meenen, twelck liecht Ydel als distelbloem V niet langher bedriecht Door lichtueerdighen roem Want sulck een Christendom Staend in schijnheylichede Sal voor Godt wesen stom Isser gheen goe daet mede. 1. Cor. 2, 4 ende 4, 20. Godts Rijcke niet en staet In praet oft woorden soet Geloouich cracht en daet Daer by oock wesen moet Maer met Gala. 1, 16 vleesch ende bloet Gaen veel Meenders te rade En door swerelts voorspoet heb. 12, 15.Versuymen Godts genade. Meenders die tijt verquist Eph. 5, 4.Met boerden, iock oft spel Eylaes sulck meenen mist Dit weet ghy (hoep ick) wel 2. cor. 6, 15.Oftmen oock met Babel En met Christo mach wesen O ghy Meenenaers (snel) Gheeft antwoorde van desen. Sijt ghy wijs gheingient Neen, moet zijn gheantwoort Wien ghylien dan noch dient Brengt de daet ghenoech voort Meenders wat ghy orboort Die vleeschlijck zijn beuonden So men aen tleuen spoort Tzijn al dienaers der sonden Rom. 5, 12 ende 6, 23. Ende der sonden loon Dat is deeuwiche doot O Meenenaers ydoon Vreest doch voor sulcken noot
Bedenckt v cleyn en groot Oft tmeenen maeckt Godts knechten Slechts om den name bloot O neen dits goet om rechten. De name ghy wel draecht Van het Christen ghetal Maer hoe ghy Godt behaecht Moecht ghy bedencken al mat. 10, 38 Luc. 9, 23. ende 14, 27.Den wech des cruycen smal Die moet hier zijn ghetreden Eermen salich zijn sal Godt kent gheen ander leden. Leden Antechristi Afgodisch verblent O Meenenaers zijt ghy Noch tmeeste paert bekent Ten sy dat ghy omwent Joan. 3, 3.En wort van nieus herboren Met Babilon gheschent Wert ghy eeuwich verloren. Die gheueynst Babels daet Sijn vrient ende partie En meenen zijn Godts zaet Door sulck ypocrysie Eylacen alle die Godt so behaghen meenen Sullen haer huychelie Int eynde noch beweenen. Wel aen meent so ghy wilt De waerheyt dient gheseyt Godt can niet zijn ghestilt Sonder Luc. 11, 28 ghehoorsaemheyt Oft ghy Meenders arbeyt Alleen om Godt behaghen Siet toe eer ghijt beschreyt Josu. 9, 21 ende 23, 27.Daer ghelt gheen water draghen. Water draghers ghenoech Vintmen aen elcken cant luc. 9, 62 2. pet. 2, 20Die aen des Heeren ploech
Wel meenen slaen de hant Maer (eylaes) sulck samblant Is een omsien lichtueerdich mat. 7, 26.Ghetimmert op drifzant Christo zijnde onweerdich. Hier Meenders wel op acht En wacht dat ghy altoos Esau niet en slacht Ge. 25, 26.Die om twilt iaghen boos Ge. 25, 33 heb. 12, 16.Sijn gheboorte verloos Ende tghebenedijden Doen hy trecht meenen coos Twas (eylaes) buyten tijden. mat. 25, 8. De dwase Maechden me Die (thaerlier ontprofijt) Meenden dHemelsche ste Besitten met iolijt Maer tcloppen ter ontijt En mochte haer niet baten Als volck vermaledijt Sijn sy buyten ghelaten. Van vele Meenders noch Wert dus ghepreponeert mat. 7, 22.Heer in v name (doch) Hebwy ghepropheteert En Duyuels versturbeert Maer voor antwoorde gheuen Sal Godt, van my passeert Met die oyt quaet bedreuen. Dees Figueren en meer Hertgrondelijck doorsiet Dat ghy teghen Godts leer Salich tzijne, meent niet Want salicheyt gheschiet Niet teghen twoort des Heeren Dus eer v naeckt verdriet Wilt eens recht meenen leeren. mt. 24, 45 ende 25, 21. Luc. 12, 42 Die als ghetrouwe knecht Doet na sHeeren ghebot
Job 1, 8. ende 2, 3. Psa. 25, 21Ende leeft slecht en recht Die achtmen hier voor sot 1. cor. 4, 12Veruolcht, ghehaet, bespot Als wtworpsel mispresen Want 2. ti. 3, 12 rechtdoenders voor Godt Moeten hier versmaet wesen. Maer (laes) veel meenen dat Wel anders mach toe gaen mat. 7, 13.Dies sy den ruymen pat Niet en willen versmaen Sap. 5, 2.Als dese (swaer belaen) De weldoenders ten fijne Verblijt sullen sien staen Dan werden sy in pijne. Sap. 5, 3. En sullen seer verbaest Segghen, wy meenden waer Dat dees hadden gheraest Siet, mat. 13, 43 hoe sy blincken claer Tonwis meenen sal haer Daer niet moghen verschoonen Dus Meenenaers eerbaer Laet v niet langher hoonen. Hier mede ghewaerschuyt Sijn Meenenaers ghemeyn Wilt ghy v gheuen vuyt Apo. 21, 2. ende 22, 17.Voor de Bruyt Christi reyn mat. 18, 3Als een kindeken cleyn So moet ghy ommekeeren So niet tmeenen certeyn Brengt v al int verseeren. Eer v verseeren naeckt Door het meenen misvuecht mat. 26, 40 mar. 14, 38 Joan. 4, 23Bidt inden gheest en waeckt Dat ghy moecht zijn verhuecht Voecht v neerstich ter duecht mat. 18, 3Als omghekeerde lieden Namaels deeuwighe vruecht Sal die Meenders gheschieden. Orlof met dit concluys
Sluyten wy desen sanck Houdet voor gheen abuys Al clinckt tgheclanck wat stranck Twijst haer den rechten ganck Die meenen door zijtweghen Crijghen salich ontfanck Meenders meent eens ter deghen.
Cookies on Poetry Cove