C Na de wijse: Sal ons den winter dwingen. LAet ons den Heere louen Van alle zijn groote duecht Sijn cracht die coemt van bouen Die ons hier maket verhuecht In lijden en verdriet Hy besorcht onse prouen Josu. 1, 5. Heb. 13, 5.Hy en laet de zijne niet. Al zijn sy hier versteken Van de boose werelt quaet Haer en sal niet ghebreken Volghen sy dat edel Saet Christum ghebenedijt Al sietmen dooghen leken Van binnen zijn sy verblijt. 2. cor. 6, 4 Door angst, door noot, door lijden Door druck, door quaet gherucht 2. cor. 11, 25Door slaghen, door benijden Door smaet, door swaer versucht Door lijdtsaemheyt deuoot Door achterclap by tijden Door medelijden groot. Paulus nam gheen behaghen Rom. 5, 3. Gal. 6, 16.Dan int Cruyce Christi reen Door wien ten alle daghen Als wy ons vant quade scheen
En hem altijts volghen naer Sullen sonder versaghen Ghenade ontfanghen claer. Rom. 6, 1 Maer wy moghen de sonden Niet onderdanich zijn Nu noch tot gheenen stonden Noch door gheen heylich schijn Veynsen, Jer. 17, 10 Apo. 2, 23 want Godt door siet Therte na Schrifts oorconden En brengt sulcke in tverdriet. Rom. 8, 1. Gal. 5, 16. Wandelt met neersticheden Inden gheest, ghy wert verblijt Ghy sult v quade zeden Volbrenghen tot gheender tijt Want den vleeschelijcken lust Al is hy qualijck te vreden Hy wert van den gheest gheblust. Gal. 5, 18. Leyt v den Gheest verheuen So en deert v gheene Wet Gheen quaet en wort bedreuen Van v, door boos opset Want de cracht des Gheests certeyn Can wercken een goet leuen Twelck is van sonden reyn. Gal. 5, 19. Tvleesch wercken Godts partie Sijn gramschap, haet en nijt Ouerspel, Afgoderie Hoochmoet, ghekijf en strijt Tweedracht, wellusticheyt Moort, secten, roouerie Ouerdaet, onreynicheyt. 1. cor. 6, 10 Gal. 5, 21. Eph. 5, 5. apo. 22, 15. De welck, en dies ghelijcke Meer quade wercken boos Diese doen, sullen Godts Rijcke Deruen, schout Leeraers loos Die verleen met valschen troost Godts woort slaet niemant swijcke Wel hem dier wel op glooft. Ga. 5, 22 Ephe. 5, 9 De vrucht des Gheests is vrede
Saechtmoedich en duecht Ghelooue, vriendelijckhede Goetheyt, liefde, peys en vruecht Ootmoedich accoort Cuysheyt, ghenaey, goe zede Hier me accordeert Godts woort.
Cookies on Poetry Cove