C Een ander. O Heer aenhoort mijn claghen Siet hoemen ons gaet plaghen Verstroyen en veriaghen Tzaet vander Slanghen Is wt, om ons te vanghen Ick claeght v met droeue sanghen Ontfermt ontfermt v ouer al ons verdriet. Joan. 15, 6.Want sonder v (O Heer) en mogen wy niet. Judas met zijnen quanten Wacht on aen alle canten Wy zijn haer beste callanten Want sy yemant weten Waer hy is gheseten Terstont wert hy verbeten Ontfermt ontfermt v ouer al ons verdriet, &c. O Heer dees bloedighe woluen V Schaepkens sy veruolghen Sy hebbender veel gheswolghen Ghebraeyt, gheuleghen Verdroncken en ghesleghen Die wandelden v weghen Ontfermt ontfermt v ouer al ons verdriet, &c. Wanneer sy ons betrapen psa. 44, 23. Ro. 8, 36.Gherekent als slachschapen Na ons bloet dat sy gapen Al om versteken Niemant mach voor ons spreken 1. cor. 4, 9Tot een gaepspel bekeken Ontfermt ontfermt v ouer al ons verdriet, &c. O Heer wilt ons aenhooren Siet hoe sy ons versmooren Veel drucx stellens ons vooren Met recken, strecken Die v waerheyt ontdecken Men achtse min dan gecken Ontfermt ontfermt v ouer al ons verdriet, &c. Sy quellen ons menichuuldich
Ende dooden ons onschuldich Maeckt ons altijts verduldich O Godt rechtueerdich Maeckt ons bequaem en weerdich In onsen druck volheerdich Ontfermt ontfermt v ouer al ons verdriet, &c. Ontfermt v uwer knechten Diemen iammerlijck gaet rechten Die voor de waerheyt vechten Hoe lang salt dueren Dat wy sullen trueren Troost ons in corter vren Ontfermt ontfermt v ouer al ons verdriet, &c. Siet hoe sy ons aentasten Pharao met zijnen gasten En brenghen ons in lasten Tswerelts Regenten Doen ons veel tormenten Druck, lijden, zijn hier ons Renten Ontfermt ontfermt v ouer al ons verdriet, &c. Goet, bloet zijnse onuersadich Psa. 51, 3.O Godt zijt ons ghenadich Dat wy blijuen ghestadich mat. 10, 22 ende 24, 13. mar. 13, 13Al totten ende Ontfermt onser ellende Datmen ons niet en schende Ontfermt ontfermt v ouer al ons verdriet, &c. Wanneer sy ons aen treffen Laet ons hulpe beseffen V willen wy verheffen Tot allen stonden Dat wy hebben vonden Ghenade niet om gronden Ontfermt ontfermt v ouer al ons verdriet, &c. Sterckt ons tot allen tijden Wy die voor de waerheyt strijden mat. 10, 32 Luc. 12, 8.Die uwen Naem belijden Na v beuelen En connent wy niet helen
Dies moeten wijt bequelen Ontfermt ontfermt v ouer al ons verdriet, &c. In Landen, Steden en wijcken Achtmen ons voor Heretijcken Alsoot alom mach blijcken Wanneer O Heere Salt v verdrieten seere mat. 24, 12De boosheyt wert lancx so meere Ontfermt ontfermt v ouer al ons verdriet, &c. Siet hoe sy v temteren Die uwen Naem blameren Die alle quaet vseren Vol van enuie Doen sy Afgoderie Na haer eyghen fantasie Ontfermt ontfermt v ouer al ons verdriet, &c. O Godt van des Hemels Throone Thoont v Ghenade schoone Op ons cranck van persoone Wilt toch aenschouwen Hoemen ons gaet benouwen En laet ons niet verflouwen Ontfermt ontfermt v ouer al ons verdriet, &c. O Heer coemt ons te baten Wy zijn so crancke vaten En wilt ons niet verlaten In druck, in lijden Wapent ons om strijden Teghen die ons benijden Ontfermt ontfermt v ouer al ons verdriet, &c. Laet v O Heer beweghen Wy zijn alom beleghen Van die v woort staen teghen Om dat wy leuen Na v ghebot verheuen Dat ghy ons hebt ghegheuen Ontfermt ontfermt v ouer al ons verdriet, &c. Noch comen ons dees oock quellen Die ons gheern hadden ter Hellen
Al Jesabels ghesellen Die vele lieghen Soecken te bedrieghen Veel quaets sy ons aen tieghen Ontfermt ontfermt v ouer al ons verdriet, &c. Siet hoe sy ons vernielen Die nu vol archeyts crielen Sy bijten in de hielen O Godt vol trouwen Laet hulpe van v douwen Sap. 5, 17 4. es. 2, 43 2. Ti. 4, 8. 1. pet. 5, 4 Jaco. 1, 12. Apo. 2, 10Dat wy ons croon moghen houwen Ontfermt ontfermt v ouer al ons verdriet, &c. Hoe na gaet my v claghen Denckt hoe ickt Cruys moest draghen Veracht, bespot, veel slaghen Wildy my behaghen So wilt sonder vertraghen Vleesch, bloet hier voren waghen mat. 11, 28Coemt al tot my, die belast zijt en belaen In druck, in noot, en sal ick v niet afgaen. Luc. 12, 32 Vreest niet ghy cleyne schare Mijn woorden nemet ware Hout v altijts int clare Neemt op wt minnen Mijn Cruys met blijde sinnen Dat ghijt al moecht verwinnen mat. 11, 28Coemt al tot my, die belast zijt en belaen In druck, in noot, en sal ick v niet afgaen. Wilt v voor my verneren Al soumen v persequeren Ende tribuleren Sonder cesseren Sult ghy domineren Eeuwelijck triumpheren mat. 11, 28Coemt al tot my, die belast zijt en belaen In druck, in noot, en sal ick v niet afgaen. V woort dat is waerachtich V Beloften zijn seer crachtich Gheeft ons die, Heere almachtich
Dat wy door desen mat. 10, 24 Joan. 13, 16 ende 15, 20.Niet beter en willen wesen Dan ghy O Heer ghepresen Ontfermt ontfermt v ouer al ons verdriet, &c. V Beloften zijn schoone Seer recht, daer toe ydoone Sap. 5, 17 4. es. 2, 43 2. Ti. 4, 8. 1. pet. 5, 4. Jaco. 1, 12 Apo. 2, 10Dat is des leuens croone Die ghy sult gheuen Die v alleen aencleuen Verlaten goet en leuen Ontfermt ontfermt v ouer al ons verdriet, &c. Dit is al ons begheeren O Heer wilt van ons weeren Al tquaet dat ons mach deeren Dits onse bede O Godt vol alder vrede Vol van bermhertichede Ontfermt ontfermt v ouer al ons verdriet, &c. O Prince Godt verheuen Hoort ons suchten en beuen En wilt ons niet begheuen Wanneer wy scheyden Wilt ons dan gheleyden Daer wy ons moghen vermeyden Ontfermt ontfermt v ouer al ons verdriet Joan. 15, 6.Want sonder v (O Heer) en mogen wy niet.
Cookies on Poetry Cove