C Na de wijse: Brootdroncken willeken coene. O Ghy Israelijtsche Schare Alomme breet en wijt Colo. 1, 12Loeft ende danckt allegare Ons Godt sonder respijt Die vroom voor v lien strijt Psa. 18, 3.Hy is v schilt, en oock een vaste slot Siet niet op swerelts nijt Al zijt ghy talder tijt Van haer ghehouden, voor dwaes ende sot. Wilt vromelijck henen strijden Heb. 12, 1.Al met verduldicheyt Van Christo wijckt niet ter zijden V is de Croon bereyt Al moet hier zijn gheschreyt Twort v wel vergolden dies seker zijt mat. 25, 33Als daer sal zijn gheseyt Al door ghenadicheyt Besit dat Rijck eeuwich ghebenedijt. Al ist dat ghy zijt verdreuen Den Woluen inden schoot Godt can v wel sterckheyt gheuen In uwen meesten noot Strijt tot den bloede root Hy sal v by wesen tot inden ent
Sijt niet van duechden bloot Smaeckt dat ioan. 6, 35, * Hemelsche broot Van God gheschoncken, ons tot een present. Van al dees benautheyt sware Hadden wy gheen aenstoot Doen wy van iare te iare Gheestelijck laghen doot Door onghelooue groot Maer want de vre is ghecomen nv Dat wy hebben ghehoort Christum, en leuen voort 1. cor. 4, 9Sijn wy gheworden al des werelts schu. Sijt niet cleynmoedich in desen mat. 28, 18Diet al heeft in ghewelt Is ons een hulper ghepresen 2. cor. 2, 16Die ons helpt houden tvelt Hy is een cloecke Helt 1. co. 15, 27 Hebr. 2, 8.Die Doot en Duyuel heeft ouerwonnen V hope op hem stelt Al wort ghy hier ghequelt 1. pet. 3, 14Van haer dreyghen laet v niet verschromen. Sy moghen maer omme bringhen Den rock, die vleeschelijck es Daer voor sullen wy singhen Apo. 14, 3.Dat nieuwe liet expres Dit oude snoo als mes Phil. 3, 21Sal van Christo verclaert zijn beseuen esa. 25, 8. Apo. 7, 17 ende 21, 4.Die sal ons tranen swaer Afdwaen eeuwich hier naer Met hem oock gheuen dat eeuwich leuen. Want Paulus heeft ons voorsproken 2. Cor. 5, 1Is dat ons aertsche huys Dees wooninghe wort ghebroken Verblijt in Christus cruys Dat wy (weest niet confuys) Een timmeringhe sullen beeruen Van Godt, als de Schrift secht Met gheen hant opgherecht Tsal blijuen eeuwich sonder verderuen.
Lieue Broeders so wy lesen Oock Susters tallen tien Al coemt v druck aengheresen Om Christus, Mat. 5, 12 wilt verblien Het moet also gheschien Maer tsal v wel vergolden wesen Groot sal wesen v loon Bouen in tsHemels Throon Daer wort ghy vant lijden al ghenesen.
Cookies on Poetry Cove